الماتىدا حالىق اراسىندا «باراحولكا» اتانعان جايما بازاردى تاعى دا ءورت شالدى. قازاقپاراتتىڭ حابارلاۋىنشا،  مۇنداعى «الاتاۋ» بازارىنىڭ ءبىرقاتار ساۋدالىق ورىندارى ورتكە ورانعان. 

قازىرگى ساتتە، وقيعا ورنىنا ءورت ءسوندىرۋ قىزمەتى مەن شۇعىل كومەك بريگادالارى ءورت ءسوندىرۋ جۇمىستارىمەن اينالىسۋدا. بازار قىزمەتكەرلەرىنىڭ ايتۋىنشا، ءورت شامامەن بۇگىن تاڭعى ساعات 8:00 باستالعان. ال ءورتتىڭ شىعۋى تۋرالى الماتى قالاسىنىڭ توتەنشە جاعدايلار دەپارتامەنتى ازىرگە قانداي دا ءبىر تۇسىنىكتەمە بەرۋدەن باس تارتۋدا. 

ەستەرىڭىزدە بولسا، اتالعان بازار اۋماعىندا بىلتىرعى جىلى بىرنەشە رەت ۇلكەن ءورت بولدى. وندا بىرنەشە ءجۇز ميلليون تەڭگەنىڭ تۋارارلارى جانىپ كەتتى. الماتى قالالىق، سولتۇستىك اينالما جولدىڭ ۇستىنە سالىنعان اتالعان بازار كولىك قوزعالىسىنا ايتارلىقتاي نۇقسان كەلتىرەدى ءارى بازارعا كەلۋشىلەردىڭ كولىك تۇراعى قاراستىرىلماعان. سونداي-اق بازار اۋماعىندا ءورت قاۋىپسىزدىگى مەن ەكولوگيالىق، سانەپيدەميولوگيالىق تالاپتار ساقتالا بەرمەيدى. سوعان قاراماستان بۇل بازاردا جۇزدەگەن ادام ۇلكەندى-كىشىلى ساۋدامەن اينالىسىپ، ءناپاقا ايىرادى.

قامشى-اقپارات