ناتو باس حاتشىسى اندەرس فوگ راسمۋسسەن "ماسكەۋ ەگەر ۋكراينانىڭ ىشكى ىسىنە كيلىگە بەرۋىن توقتاتپاسا، حالىقارالىق قاۋىمداستىق رەسەيگە قاتاڭ سانكسيالار سالۋى ءتيىس" دەپ مالىمدەگەن. ازاتتىقتىڭ جازۋىنشا، ناتو بۇعان قوسا، ۋكراينانىڭ ءوزىن قورعاۋىنا 15 ميلليون ەۋرو كولەمىندە كومەك بەرەتىن (شامامەن 20 ميلليون اقش دوللارى) ءتورت قور قۇرىلاتىنىن جاريالادى.
راسمۋسسەن قورلار كييەۆتىڭ تىلداعى قاجەتتىلىكتەرىنە، كيبەركەڭىستىگىن قورعاۋىنا، جارالانعان جاۋىنگەرلەرىن ەمدەۋىنە جانە اسكەرگە باسشىلىق جاساۋ جۇمىستارىنا كومەكتەسەتىنىن ايتقان. ونىڭ سوزىنشە، ناتو ۋكراينانىڭ قورعانىس سالاسى رەفورمالارىنا كەڭەس بەرىپ وتىرادى، ءبىراق قارۋ-جاراق جەتكىزبەيدى. سونداي-اق ناتو مۇشەلەرى ۋكرايناعا قوسىمشا قارجى بەرۋگە مىندەتتەلگەن.
قامشى-اقپارات
