ورال قالاسىندا ءىرى كولىك اپاتى ورىن الدى. «بولاشاق» قۇرىلىس كومپانياسىنىڭ ديرەكتورى، باتىس قازاقستان وبلىسىنىڭ ءماسليحات دەپۋتاتى قايدار قوشانوۆ جول كولىك اپاتىنا باستى سەبەپكەر بولعان، دەپ حابارلايدى BNews.kz، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

بقو ءىىد باسپا ءسوز قىزمەتىنىڭ مالىمدەۋىنشە، 29 ناۋرىز كۇنى، شامامەن تاڭعى ساعات 10:00-دە Toyota Land Cruiser 200 كولىگىنىڭ يەسى قايدار قوشانوۆ سامارا-تاشكەنت تاس جولىمەن كەلە جاتىپ «لادا 21073» كولىگىنە جول بەرمەگەن، ناتيجەسىندە ەكى كولىك سوقتىعىسىپ، جەڭىل اۆتوكولىك جول جيەگىندە تۇرعان Audi B4 كولىگىنە بارىپ سوعىلعان.

جول كولىك اپاتىنىڭ سالدارىنان، «لادا» اۆتوكولىگىنىڭ جۇرگىزۋشىسى مەن قاسىنداعى جولاۋشىنى اۋىر حالدە اۋرۋحاناعا الىپ بارعان. Audi B4 كولىگىنىڭ يەسى مەديسينالىق كومەكتەن سوڭ ۇيىنە جەتكىزىلدى.

«22 جاستاعى ەر ادام ميىنا قاتتى زاقىم كەلگەندىكتەن كوز جۇمدى. ال 63 جاستاعى ايەلدىڭ سۇيەكتەرى سىنعان. ول كىسىگە ىشىنەن قان كەتىپ جانە ىشكى مۇشەلەرى قاتتى زاقىمدانعان دەگەن دياگنوز قويىلىپ، زارداپ شەگۋشى اۋىر جاراقاتتان قايتىس بولدى»، - دەپ حابارلادى حيرۋرگيالىق اۋرۋحانا ديرەكتورىنىڭ ورىنباسارى قۇتتىمۇرات جاقسىعالييەۆ.