جۇڭگو زەرتتەۋشىلەرى بايقال كولىنەن لانچجوۋ قالاسىنا دەيىن سۋ قۇبىرىن جۇرگىزبەك، دەپ حابارلايدى agonia-ru، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.
قالالىق جانە اۋىلدىق جوسپارلاۋ مەن ديزاينەرلىك ينستيتۋتىنىڭ عالىمدارى بايقال كولىنەن قىتايدىڭ لانچجوۋ قالاسىنا دەيىن سۋ قۇبىرىن سالۋدى ۇسىندى. بۇل جوبا گانسۋ ايماعىنداعى اۋىز سۋ ماسەلەسىن شەشۋگە باعىتتالعان.
زەرتتەۋشىلەردىڭ ايتۋىنشا، اۋىز سۋىنىڭ جەتىسپەۋشىلىگىنەن ەكونوميكالىق دامۋ ۇدەرىسى توقتاپ قالادى. اتالمىش جوباعا قاتىستى، 1720 شاقىرىمعا سوزىلعان قۇبىردىڭ سالىنۋى قىتايدىڭ سولتۇستىك-باتىسىنىداعى ەكولوگيالىق جاعدايدى جاقسارتادى.
رەسەيلىك عالىمدار بۇل جوباعا ءوز قارسىلىقتارىن ءبىلدىردى. ساراپشى مامانداردىڭ ايتۋىنشا، بايقال كولىنەن قىتايعا سۋ جۇرگىزەتىن قۇبىر تىم قىمبات ءارى ەكونوميكالىق تۇرعىدان وتە ءتيىمسىز بولىپ تابىلادى.
بايقال كولى سولتۇستىك سىبىردە ورنالاسقان جانە ول ەڭ ءىرى تابيعي سۋ قويماسى بولىپ وتىر. كولدە بىرنەشە مىڭداعان بالىقتار مەن سۋ جانۋارلارى مەكەندەيدى.
