ايگىلى ورىس اقىنى، 150-گە جۋىق ەڭبەكتىڭ اۆتورى ەۆگەنيي ەۆتۋشەنكو 85 جاسقا قاراعان شاعىندا اقش-تاعى اۋرۋحانالاردىڭ بىرىندە جان تاپسىردى. بۇل تۋرالى تاسس اگەنتتىگى حابارلايدى.

ەۆگەنيي ەۆتۋشەنكو 18 شىلدەدە 85 جاسقا تولاتىن ەدى. ول مەرەيتويى قارساڭىندا رەسەي، بەلارۋس جانە قازاقستاندى ارالاپ گاسترولدىك ساپار جاساماق بولعان. اقىننىڭ مەرەيتويىنا ارناپ وتكىزىلمەك بولعان فەستيۆالدىڭ باس پروديۋسەرى سەرگەي ۆيننيكوۆ ەۆتۋشەنكو ءوزىن پەرەدەلكينو كەنتىندەگى بوريس پاستەرناكتىڭ بەيىتىنىڭ قاسىنا جەرلەۋ تۋرالى وسيەت قالدىرعانىن ايتقان.

ەۆگەنيي ەۆتۋشەنكو 1932 جىلدىڭ 18 شىلدەسىندە دۇنيەگە كەلگەن. العاشقى ولەڭىن ول 1949 جىلى جاريالادى. ال ءۇش جىل وتكەننەن كەيىن "رازۆەدچيكي گريادۋششەگو" دەگەن اتپەن العاشقى كىتابى شىقتى. 1991 جىلدان بەرى ول اقش-تا ءومىر ءسۇرىپ كەلگەن.

ايتا كەتەيىك، 31 ناۋرىزدا ەۆتۋشەنكونىڭ اقش-تا اۋرۋحاناعا اۋىر حالدە تۇسكەنى حابارلانعان.

2015 جىلى ەۆتۋشەنكونىڭ جۇرەگىنە وپەراسيا جاسالىپ، كارديوستيمۋلياتور ورناتىلعان. وعان دەيىن 2013 جىلى دارىگەرلەر اقىننىڭ وڭ اياعىن كەسكەن ەدى.

ەۆگەنيي ەۆتۋشەنكو – اتاقتى ورىس اقىنى، كسرو مەملەكەتتىك ءسىيلىعىنىى لاۋرەاتى. يسپانيا مەن امەريكانىڭ ونەر شىعارماشىلىق اكادەمياسىنىڭ قۇرمەتتى مۇشەسى. پيتسبۋرگ ۋنيۆەرسيتەتى مەن سانتا-دومينگو ۋنيۆەرسيتەتتەرىنىڭ پروفەسسورى بولعان. كوپتەگەن ولەڭدەر مەن پروزالىق جيناقتاردىڭ، كينوسەنارييلەردىڭ اۆتورى. ونىڭ تۋىندىلارى الەمنىڭ جەتپىستەن اسا تىلىنە اۋدارىلعان.