2017 جىلدىڭ 7 قاڭتارىنان 29 ناۋرىزىنا دەيىن 690 917 قازاقستاندىق ۋاقىتشا تىركەۋگە تۇرعان، - دەلىنگەن ءىىم-نىڭ باسپا ءسوز قىزمەتىنىڭ kaz.tengrinews.kz رەسمي ساۋالىنا بەرگەن جاۋابىندا. سونىڭ ىشىندە استانادا 135 685، ال الماتىدا 168 222 ادام. 

Qamshy.kz ءتىلشىسى ۋاقىتشا تىركەۋگە تۇرعانداردىڭ قانشالىقتى مەملەكەتتىك باج تولەگەنىن ەسەپتەپ كوردى. ۋاقىتشا تىركەلۋشىگە مەملەكەت 227 تەڭگە سالىق تولەۋدى مىندەتتەگەن. بول سومانى ۋاقىتشا تىركەلۋشىلەر سانىنا كوبەيتسەك، 156838159 ياعني، 157 ميلليون تەڭگەدەي اقشا جينالعان.

ءىىم مالىمەتى بويىنشا، 2016 جىلى قازاقستاندا تۇرعىلىقتى جەرى بويىنشا 1 020 298 ادام تىركەلگەن. ەڭ كوپ تىركەلگەن ادامدار - الماتىدا - 128 124، وقو-دا - 126 798 جانە استانادا - 115 215. سونىمەن قاتار، جىل باسىنان قازاقستاندا قانشا شەتەلدىكتىڭ تىركەلگەنى بەلگىلى بولدى. رەسپۋبليكا بويىنشا جالپى 235 442 شەتەلدىك تىركەۋگە تۇرعان. ەڭ كوپ تىركەلگەنى - الماتىدا - 61 330 ادام ، وقو-دا - 42 965 ادام جانە الماتى وبلىسىندا - 25 193 شەتەلدىك.

سونداي-اق، ۋاقىتشا تىركەلۋ تۋرالى زاڭدى بۇزاتىندارعا دا ايىپپۇل قاراستىرىلعان ەدى. ۋاقىتشا تۇرىپ جاتقان جەرىندە ءبىر ايدان اسا ۋاقىت تىركەۋسىز تۇرعانى ءۇشىن 7 اەك، ياعني 16 مىڭ تەڭگە ايىپپۇل سالىناتىن. ەكىنشى تەكسەرۋ كەزىندە زاڭبۇزۋشىلىق انىقتالسا، ايىپپۇل 13 اەك، ياعني 29 500 تەڭگە قاراستىرىلعان.

سونىمەن قاتار، جىل باسىنان قازاقستاندا قانشا شەتەلدىكتىڭ تىركەلگەنى بەلگىلى بولدى. رەسپۋبليكا بويىنشا جالپى 235 442 شەتەلدىك تىركەۋگە تۇرعان. ەڭ كوپ تىركەلگەنى - الماتىدا - 61 330 ادام ، وقو-دا - 42 965 ادام جانە الماتى وبلىسىندا - 25 193 شەتەلدىك.

200 مىڭ شەتەلدىك ىقتيار حات السا، 1 725 890 شەتەلدىك قازاقستانعا ۋاقىتشا كەلگەن.

ەسكە سالساق، ۋاقىتشا تىركەۋ كەزىندە تىركەۋ ورتالىقتارىندا ادامنىڭ كوپتىگىنەن 2 ادام قايتىس بولعان ەدى.