3 ساۋىردە سانكت-پەتەربۋرگ مەتروسىنداعى «سەننايا الاڭى» جانە «تەحنولوگيالىق ينستيتۋت» ايالدامالارىندا بولعان جارىلىستىڭ ەپيسەنتىرىندە 22 جاستاعى قازاقستاندىق ماكسيم اريشيەۆ ەسىمدى ازامات بولۋى مۇمكىن، دەپ حابارلايدى پەتەربۋرگتىك «فونتانكا» باسىلىمى.

ونىڭ دەنەسى جارىلعان ۆاگوننىڭ ىشىنەن تابىلعان.  باسىلىم 3 ساۋىردە كەشكى ۋاقىتتا مەتروداعى جارىلىستان كەيىن ءۇش ادامنىڭ ءمايىتى كىمگە تيەسىلى ەكەنىن جاريالاعان. الدىن الا مالىمەتتەر بويىنشا، اريشيەۆ جانكەشتى لاڭكەس بولۋى مۇمكىن دەگەن بولجامدار بار.

الايدا، ماكسيمنىڭ دوستارى مەن جاقىندارى بۇل اقپاراتقا سەنبەيدى، ولاي بولۋى مۇمكىن ەمەس دەپ وتىر. 

"پەتەربۋرگتە بىرنەشە جىل تۇرىپ كەلەدى. كۇندە ءوزىنىڭ ۇيرەنشىكتى جولىمەن جۇرەدى. جانىندا ىلعي قۇجاتتارى بولادى. ونىڭ راديكالدى اعىمدارمەن دە بايلانىسى بولۋى مۇمكىن ەمەس" دەيدى جاقىندارى.

ونىڭ ۋنيۆەرسيتەتتە بىرگە وقيتىن دوسى دا سۇحبات بەردى. دوسى يۋريي رومانوۆتىڭ ايتۋىنشا، بۇ جاعدايعا ۋنيۆەرسيتەت مۇعالىمدەرى كىنالى. سەبەبى، سول كۇنى ماكسيم ءتورتىنشى پانگە قاتىسپاي، ۇيىنە قايتىپ بارا جاتقان ەكەن. "ەگەر مۇعالىمدەر ءار ستۋدەنتتىڭ كەلىپ-كەلمەي جۇرگەندەرىن باقىلاپ تۇراتىن بولسا، بۇنداي جاعداي ورىن الماس ەدى" دەديى دوسى.

ونىڭ ۇستىنە، كۋرستاستارىنىڭ ايتۋىنشا، ماكسيم قاراپايىم، كوپشىل جىگىت بولعان كورىنەدى. جارىلىسقا قاتىسى بولۋى مۇمكىن دەگەن قاۋەسەتكە ەشكىم سەنبەس تە ەدى. ب ا ق وكىلدەرى كامەرادان كورگەن جارىلىستى ۇيىمداستىرعان ادام ماكسيم اريشيەۆ دەپ وتىرعان جىگىتتىڭ دوسىنا ۇقسامايتىنىن دا ايتىپ قالدى رومانوۆ.

تاعى ەكى ادام - 71 جاستاعى يۋريا ناليموۆ جانە 18 جاستاعى كسەنيا ميليۋكوۆا.  سانكت-پەتەربۋرگتە جارىلىس ۇيىمداستىرعان بولجامدى لاڭكەستىڭ سۋرەتى جاريالاندى. 3 ساۋىردە بەينەباقىلاۋ كامەرالارى ءتۇسىرىپ العان كادر جاريالاندى، - دەپ حابارلايدى رەن تۆ ارناسى. 

كۋاگەرلەردىڭ ايتۋىنشا، بۇل پويىزدىڭ ىشىندە سومكەسىن تاستاپ كەتكەن ەر ادام. تەلەارنا مالىمەتىنشە، ەر ادام پويىزدان شىعىپ، سىرتقى قاباتقا ءوتىپ ەمىن-ەركىن مەترودان كەتىپ قالعان. وسىدان كەيىن ونىڭ قايدا كەتكەنى بەلگىسىز. 

مەترو ماڭىندا ورنالاسقان باقىلاۋ كامەراسى جارىلىستان كەيىن بولجامدى لاڭكەستى ءتۇسىرىپ العان. ۆيدەونىڭ ۇزىندىلەرىنەن ونىڭ مەترودان قولىندا ۇستاپ جۇرگەن سومكەسىز شىققانىن كورۋگە بولادى. سونىمەن قاتار، ول تەلەفونعا قاراپ تۇر. وزىنە قاجەتتى مالىمەتتى بىلگەننەن كەيىن ول كەتىپ قالادى. ەر ادامدى الاڭدا باسقا ءبىر باقىلاۋ كامەراسى ءتۇسىرىپ العان. وندا جارىلىسقا كىنالى كۇدىكتى كوشەدە بىرنەشە ۋاقىت بويى تۇرعان.  الايدا تەلەارنانىڭ مالىمەتىنشە ونىڭ فاميلياسى دجاليالوۆ (اريشيەۆ - كەيبىر ب ا ق مالىمەتىنشە)، ول ورتالىق ازياداعى رەسپۋبليكالاردىڭ ءبىرىنىڭ ازاماتى. ولاردىڭ مالىمەتىنشە، ەر ادام سوڭعى ۋاقىتتا سانكت-پەتەربۋرگتە تۇرعان جانە بيىل اقپاندا ءوز ەلىندە بولىپ كەلگەن.  كەيىنىرەك رەسەيلىك ب ا ق تەراكت ۇيىمداستىرعان قىرعىزستاننىڭ 22 جاستاعى اكبارجون دجاليلوۆ ەكەنىن حابارلادى. سوعان قاراماستان ريا نوۆوستي لاڭكەستىڭ ورتالىق ازيادان شىققانى تۋرالى ايتۋعا نەگىز جوق ەكەنىن جازادى. ازىرگە كۇدىكتىنىڭ جارىلىستى ۇيىمداستىرعانى نەمەسە جارىلىستىڭ ەپيسەنترىندە كەزدەيسوق بولعانى بەلگىسىز.  سونىمەن قاتار، بەينەباقىلاۋ كامەرالارى قارا ءتۇستى كيىمدەگى ەر ادامنىڭ سۋرەتتەرىن جاريالاعان، ونىڭ جارىلىستى ۇيىمداستىرۋعا قاتىسى بار بولۋى مۇمكىن دەلىنگەن. الايدا ول ءوزى پوليسياعا كەلىپ، جارىلىسقا ەش قاتىسى جوعىن ايتقان.
 

ەسكە سالا كەتەيىك، 3 ساۋىردە كەشكى ۋاقىتتا سانكت-پەتەربۋرگ مەتروسىندا جارىلىس بولدى. دەرەكتەرگە سايكەس، مەترو ۆاگوندارىنىڭ ءبىرى جارىلىپ، 10 ادام قازا تاپقان. ال بۇگىن 11 ادامعا ارتقانىن حابارلايدى. ءبىرىنشى جارىلىس «سەننايا الاڭىندا» بولعان، ال ەكىنشىسى «تەحنولوگيالىق ۋنيۆەرسيتەتتىڭ» جانىندا ورىن الدى. سەننايا الاڭى قالانىڭ ورتالىعى بولىپ تابىلادى. ايتا كەتەر بولساق، پەتەربۋرگ مەترولارى وتە تەرەڭدە ورنالاسقان.