سانكت-پەتەربۋرگ قالاسىندا مەترو ۆاگونىندا جويقىن جارىلىس بولدى. ون ادام قازا، ەلۋ دەي ادام جاراقات العان. بارلىق قازا بولعاندارعا جانە زارداپ شەككەندەرگە كوڭىل ايتامىز. بۇل جارىلىس سەبەبى كريمينالدىق، تۇرمىستىق نە تەرروريستىك سەبەبتەن بولۋ مۇمكىن. تەرروريستىك سەبەبتەن بولسا - جارىلىس جاساۋشىلار سولتۇستىك كاۆكازدان، شەشەنستاننان، نەمەسە سيريا-يراك-تۇركيا- تاياۋ شىعىستان بولۋ ىقتيمال. ارينە دايش-ايسيس بۇل تەرروريستىك اكت دەپ اكتورلىقتى ءوز موينىنا الا قالادى، ءبىراق تەررورلىق اكت جاساۋشىلار ولار بولماۋى مۇمكىن. شەشەنستانداعى اسكەري ارەكەت الدىندا رەسەيدە بىرنەشە ۇيلەر جانە قوعامدىق ورىنداردا جارىلىستار بولعان. ءسويتىپ رەسەي-شەشەن اراسىندا اۋقىمدى سوعىس باستالعان. وسى جولى كىنالىلەر ۋكرايندىق ۇلتشىلدار، نە ۋكراينانىڭ ارنايى قىزمەتتەرى دەگەن ۆەرسيادا شىعا كەلۋىن جوققا شىعارماعان ءجون، ولاردى ايىپتاۋ ىقتيمال. كەيبىر ەكسپەرتتەر بۇل وقيعالاردى ءپۋتيننىڭ ءوزىنىڭ ارەكەتەرى دەيتىندەر دە تابىلادى. سونىمەن بۇل جارىلىستار كەلەسى اسكەري وپەراسياعا سىلتاۋ بولۋى ابدەن مۇمكىن. وسى جولى دا رەسەي كورشىلەرىن بىرەۋىن ايىپتاپ ميليتاريستىك ايبىن كورسەتىپ، كۇماندى مەملەكەتتى بومبىلاپ ءوش الار. ەندى رەسەيدە تەرروريستىك يستەريا باستالادى: دالنەبويششيكتەردىڭ (اۋىر جۇك ماشينالار يەلەرى ) ەرەۋىلى، جاستاردىڭ نارازىلىق كوشە شەرۋىنە رۇقسات بەرىلمەس، ناۆالنىيدىڭ مەدۆەديەۆ پەن ءپۋتيندى كوررۋپسيانەرسىڭدەر دەپ ايىپتاۋى، ء-بارى نازاردان تىس قالادى. سونىمەن بۇل وقيعا رەسەيدە كوتەرىلىپ كەلە جاتقان حالىق نارازىلىن باسۋعا مۇرسات بەرەدى. تەرروريستەر رەسەيگە شابۋىل جاسادى ، ەلىمىزگە ءقاۋىىپ ءتوندى دەپ ۇلكەن اگرەسسيۆتىك - ناسيحات شارالار باستالادى. رەسەيدىڭ ءبىراق بىرىكتىرۋشى پەرسوناسى بار-ول پۋتين. ەندى ولار سىن ساعاتتا ەل بىرلىگىنە شاقىرادى.
ءازىمباي عالي
