سولتۇستىك كورەيا كەزەكتى رەت ورتا قاشىقتىقتا ۇشاتىن بالليستيكالىق زىمىراندى ۇشىردى. زىمىراننىڭ ۇشىرىلعانىن اقش قارۋلى كۇشتەرىنىڭ تىنىقمۇحيتتىق قولباسشىلىعى دا ناقتىلادى، دەپ حابارلايدى «قامشى» اقاپاراتتىق اگەنتتىگى bbc.com سايتىنا سىلتەمە جاساپ.

جەرۇستى زىمىرانى كورەي تۇبەگىنىڭ شىعىس جاعالاۋىنان جاپونياعا قاراي باعىتتالدى.

امەريكا اسكەرلەرىنىڭ مالىمدەۋىنشە، زىمىران جاپون تەڭىزىنىڭ بەيتاراپ ايماعىنا قۇلاعان.

وڭتۇستىك كورەيا قورعانىس مينيسترلىگىنىڭ اقپاراتى بويىنشا، زىمىران 9 مينۋت بويى ۇشقان. وسى ۋاقىت ارالىعىندا ول 60 كم قاشىقتىقتى ءجۇرىپ وتكەن.

سولتۇستىك كورەيانىڭ بۇل جولعى زىمىران سىناعى قحر ءتوراعاسى سي ءسزينپيننىڭ اقش-قا بارۋىنا 1 كۇن قالعاندا جاسالىپ وتىر. جۇڭگو كوشباسشىسىنىڭ دونالد ترامپپەن اراداعى تالقىلايتىن ماسەلەلەرىنىڭ ءبىرى دە وسى - پحەنياننىڭ زىمىراندى-يادرولىق الەۋەتىن اۋىزدىقتاۋ.  

ريا جاڭالىقتار قىزمەتىنىڭ مالىمەتىنشە، جاپونيانىڭ پرەمەر-مينيسترى سيندزو ابە سولتۇستىك كورەيانىڭ ۇشىرعان كەزەكتى زىمىرانىنىڭ تۇبىندە ارانداتۋشىلىق جاتىر دەيدى.

«بۇل قك بۇۇ ريەۆوليۋسياسىنا قايشى كەلەتىن ءارى قاۋىپسىزدىك جوسپارى تۋراسىنداعى ارانداتۋشىلىق ارەكەت» دەدى ابە.

جاپونيا سولتۇستىك كورەيا تاراپىنان تۋىنداعان مۇنداي اراڭداتۋشىلىق ارەكەتتەرگە توزبەي، قاتاڭ نارازىلىق تۋدىرادى، دەپ حابارلايدى «كيودو» اگەنتتىگى.