دارىندى جاستاردىڭ «شابىت» حالىقىرالىق XV فەستيۆالى استانا قالاسىندا 3 قاراشادان باستاپ 8 قاراشاعا دەيىن وتكىزىلەدى. بۇل جىلى فەستيۆال «كلاسسيكالىق مۋزىكا»، «جۋرناليستيكا»، «بەينەلەۋ ونەرى»، «حالىق مۋزىكاسى»، «سيرك ونەرى»، «بالەتتىڭ جاس ارتىستەرى بايقاۋى» جانە «ۇزدىك ادەبي شىعارما» نوميناسيالارى بويىنشا جەڭىمپازداردى انىقتايدى. شىعارماشىل جاستارعا بەرىلەتىن باستى سىي – قازاقستان رەسپۋبليكاسى پرەزيدەنتىنىڭ كۋبوگى بولماق. سونىمەن قاتار، گران-پري، «لاۋرەات» اتاعى بەرىلە وتىرىپ 1، 2، 3 دارەجەلى سىيلىقتار، «شابىت» مەدالى، ۇستەل ۇستىندە تۇراتىن «شابىت» مەدالى، اتاۋلى ديپلومدار مەن قازاقستاننىڭ كورنەكتى مادەنيەت جانە ونەر قايتاركەرلەرى اتىنداعى سىيلىقتار ۇسىنىلادى. كەلەشەگىنەن ءۇمىت كۇتتىرەتىن جاستارعا «ديپلومانت» اتاعى كورسەتىلگەن ديپلومدار، فەستيۆالعا بەلسەنە قاتىسقانى ءۇشىن ماراپات قاعازدارى مەن جەكەلەگەن نوميناسيالار بويىنشا ارنايى ديپلومدار مەن سىيلىقتار بەرىلەدى. ۇيىمداستىرۋ كوميتەتىنىڭ حابارلاۋىنشا، فەستيۆالعا قاتىسۋعا نيەت بىلدىرگەن جاستاردىڭ وتىنىشتەرىن قابىلداۋ ءالى دە جالعاسۋدا. "شابىت" فەستيۆالىنىڭ ارنايى ۆەب سايتى: