«قامشى» پورتالىنىڭ كەزەكتى ينتەرنەت-كونفەرەنسيا قوناعى - بوكستان الەمدىك ارەنالاردا قازاق اتىن شىعارىپ جۇرگەن قانداسىمىز قانات يسلام. بۇگىن، تۇنگى 2:00-دە وتباسىمەن بىرگە الماتى اۋەجايىنا كەلىپ قونعان قانات يسلامدى تۋىسقاندارىمەن قاتار ءبىر توپ جۋرناليستەر قارسى  الدى. ۋاقىتشا دەمالىسقا ەلگە كەلگەن كۇرزى جۇدىرىق يەسى ەكىنشى رەت «قامشى» پورتالىنىڭ ينتەرنەت-كونفەرەنسيا قوناعى بولىپ، وقىرماندارمەن اشىق سۇحبات جاساۋعا كەلىسىمىن بەردى.

قانات يسلام – 1984 جىلى، 13 قىركۇيەكتە قىتايدىڭ التاي ايماعى، قابا اۋدانىندا دۇنيەگە كەلگەن. ول جۇڭگو ۇلتتىق قۇراماسىنىڭ قۇرامىندا پەكين وليمپياداسىنىڭ قولا جۇلدەگەرى، چيكاگودا وتكەن الەم چەمپيوناتىنىڭ (2007) جانە ازيا ويىندارىنىڭ (2006) قولا جۇلدەگەرى. قىتايدىڭ 10 دۇركىن چەمپيونى بولدى. 2010 جىلى قازاقستان ازاماتتىعىن الدى. 2012 جىلعا دەيىن «استانا ارلاندارى» كاسىبي كلۋبىنىڭ مۇشەسى بولدى. لوندون وليمپمياداسىنا قاتىسا الماعان قانات يسلام 2012 جىلى قىركۇيەكت ايىندا كاسىپقوي بوكسقا بەت بۇرىپ، اقش-تىڭ «Nelsons» پروموۋتەرلىك كومپانياسىمەن شارتقا وتىردى. ول مۇحيتتىڭ ارعى بەتىندە 18 كەزدەسۋ وتكىزىپ، بارىندە جەڭىسكە جەتتى، 15 جەكپە-جەگىن نوكاۋتپەن اياقتادى. سوڭعى جەڭىسىنەن كەيىن WBA رەيتينگىندە 7 ساتىعا كوتەرىلگەن قانات يسلامنىڭ الەم چەمپيونى اتاعىنا تالاسۋ مۇمكىندىگى بار، ول ءۇشىن قانداسىمىز رەيتيگنگى جوعارى تاعى 22 بىلعارى قولعاپ شەبەرىن شارشى الاڭدا جەڭۋى كەرەك. ماياميدە جاتتىعىپ جۇرگەن قانات يسلام ءۇش بالانىڭ اكەسى، ازىرگە كەنجەسى اقش-تا دۇنيەگە كەلگەن.