ق ر پارلامەنت سەناتىنىڭ دەپۋتاتى قۋانىش ايتاحانوۆ قازاقتىڭ ۇلتتىق سۋسىندارى - قىمىز بەن شۇبات تۋرالى زاڭ قابىلداۋدى ۇسىندى. "قىمىز بەن شۇبات ءبىزدىڭ ۇلتىمىزدىڭ كونەدەن كەلە جاتقان سۋسىنى. وسى سۋسىنداردى ازىرلەۋ ءۇشىن عاسىرلار بويى جىلقى مەن تۇيەنى قالاي باپتاۋ كەرەكتىگى تاجىريبە رەتىندە قالىپتاستى. قىمىز بەن شۇبات ادام دەنساۋلىعىنا وتە پايدالى. ولاردى تۋبەركۋلەزدى ەمدەۋ كەزىندە، باۋىر، اسقازان، جۇرەك اۋىرعاندا، قان تامىرلارى اۋرۋىن ەمدەۋدە پايدالانادى" دەگەن ايتاحانوۆ دەپۋتاتتىق ساۋالىن ق ر پرەمەر-مينيسترىنە باعىتتاپ.

Baq.kzء-تىڭ جازۋىنشا دەپتۋتات، كەڭەستىك كەزەڭدە جىلقى مەن تۇيە شارۋاشىلىعىنا، قىمىز بەن شۇبات ءوندىرۋ ىسىنە دۇرىس كوڭىل بولىنبەگەنىنە توقتالعان. سەناتور سونداي-اق،  مىندەتتى تۇردە ءوزىمىزدىڭ ۇلتتىق برەندتى جاساۋ كەرەكتىگىن دە قوسا ايتقان: "ءبىز بابادان قالعان مۇراعا ءۇن قوسىپ، ءوزىمىزدىڭ ۇلتتىق برەندتى جاساۋىمىز كەرەك. سونداي-اق، قىمىز بەن شۇبات تۋرالى زاڭدى دا قابىلداۋ قاجەت. اتالعان زاڭدا ءبىز سۋسىنداردىڭ دايىندالۋ جولىن كورسەتىپ، بارلىق تالاپتاردى ەنگىزۋىمىز ءتيىس. شارۋالاردى ىنتالاندىرۋ ءۇشىن مەملەكەتتەن جەڭىلدىكتەر قاراستىرعان ءجون"

قامشى-اقپارات