بيلل جانە مەليندا گەيتستىڭ قايىرىمدىلىق قورى باتىس افريكاداعى ەبولا ىندەتىمەن كۇرەسۋ ءۇشىن $50 ملن. باعىتتايدى. بۇل تۋرالى قازاقپارات جازدى.
«سوڭعى 7-10 كۇندە كەسەلدىڭ تارالۋ كولەمى مەن جىلدامدىعى ارتۋدا»، - دەگەن قور دامۋ ءبولىمىنىڭ پرەزيدەنتى كريس ەلياس. قور وكىلدەرىنىڭ سوزىنە قاراعاندا، بارلىق قاراجات بۇۇ-نا، دۇنيەجۇزىلىك دەنساۋلىق ساقتاۋ ۇيىمىنا (ددسۇ)، اۋرۋلاردىڭ الدىن الۋ جانە باقىلاۋ بويىنشا امەريكاندىق ورتالىققا جانە ۆيرۋسپەن كۇرەسىپ جاتقان وزگە دە حالىقارالىق ۇيىمدارعا جولدانادى.
ەبولا اۋرۋى (EVD) نەمەسە ەبولا گەمورراگيكالىق ليحورادكاسى (EHF)، ەبولاۆيرۋس سەبەپشى بولاتىن ادامدار مەن پريماتتاردىڭ اۋرۋى. اۋرۋدىڭ العاشقى بەلگىلەرى ەكى كۇننەن ءۇش اپتاعا دەيىنگى ارالىقتا كورىنەدى. بۇلشىقەت پەن باس اۋرۋىمەن بىرگە جۇرەتىن قىزبا (ليحورادكا). ادەتتە ديارەيا، قۇسۋ باستالىپ، باۋىر مەن بۇيرەكتەرى ىستەن شىعادى. وسى ۋاقىتتا ناۋقاستىڭ اعزاسىندا ىشتەي جانە سىرتتا قان اعۋ باستالادى. ۆيرۋس جۇقپالى جانۋار نەمەسە ناۋقاس ادامنىڭ سۇيىقتىعى ارقىلى بەرىلەدى. تابيعا ورتادا اۋا ارقىلى تارالۋ جاعدايى تىركەلمەگەن. وسىمدىك جارقاناتتارى ارقىلى تارالادى، ءبىراق ولارعا اۋرۋدىڭ ۆيرۋستارى اسەر ەتپەيدى. اۋرۋدى ەمدەيتىن ارنايى ەم ازىرگە جوق. ازىرگە ناۋقاس ادامداردى ەمدەۋدە رەگيدراسيليالىق تەراپيا جانە اعزاعا كەرەكتى قورەكتەردى جۇيە قۇيۋ پايدالانىلادى. اۋرۋدىڭ قاۋىپتىلىك دەڭگەيى جوعارى، ناۋقاستاردىڭ 50% مەن 90% ارالىعىندا قايتىس بولادى. ەبولا اۋرۋى العاش رەت سۋدان (قازىرگى وڭتۇستىك سۋدان) مەن كونگودا تىركەلگەن.
بيلل گەيتس — فوربس جۋرنالى بويىنشا الەمدەگى ەكىنشى باي ادام. ونىڭ بايلىعىنىڭ ەڭ بيىك شىڭى 120 ملرد. دوللارعا دەيىن جەتكەن ەدى. «مايكروسوفت» اكسيالارىنا بيرجالىق باعالاردىڭ اۋىتقۋىنا بايلانىستى گەيتس ساناۋلى سەكۋندتار ىشىندە ميللياردتارىن جوعالتىپ، ونى قايتا قالپىنا كەلتىرە الدى. مەملەكەت «مايكروسوفتپەن» سوتتاسادى، ال پرەزيدەنتتەر گەيتستى قۇرمەتپەن قابىلدايدى. الايدا ءقازىر ول اقشا تابۋدان گورى، جوقشىلىقپەن كۇرەسكە اقشاسىن جۇمساۋعا ەرەكشە ءمان بەرۋدە. گەيتس وسيەت حاتىنا سايكەس ونىڭ ءۇش بالاسىنىڭ ءارقايسى تەك $10 ملن. الادى. قالعانى ونىڭ كەنجە بالاسى قايىرىمدىلىق قورىنىڭ ەنشىسىنە تيەدى. Microsoft جۇيەلەرى الەمدە پايدالانىلاتىن كومپيۋتەرلەردىڭ 93%-دا ورناتىلعان. مونوپولياعا قارسى كوميتەتتىڭ تالابى بويىنشا پرەزيدەنتتىكتەن باس تارتقان بيلل گەيتس قازىرگى كەزدە كومپانيانىڭ باسقارۋشىلارىنىڭ ءبىرى جانە باعدارلامالىق قامسىزداندىرۋ ونىمدەرىن دايىنداۋ بويىنشا باس ينجەنەر بولىپ تابىلادى. سونىمەن قاتار، ول كومپانيا اكسيالارى بولىگىنىڭ ۇلكەن ۇلەسىنىڭ يەسى. بۇگىنگى تاڭدا ول 61 ميلليارد دوللاردىڭ يەسى جانە Forbes تىزىمىندە بايلىعى بويىنشا 2ء-شى ورىندى الادى.(قازاقشا ۋيكيپەديادان)
قامشى-اقپارات
