Apple Mac Pro جۇمىس ستانسياسىنىڭ مۇلدەم جاڭا «تولىقتاي قايتا ويلاستىرىلعان» مودەلىن جوبالاپ وتىر.

كومپانيانىڭ ماركەتينگ بويىنشا اعا ۆيسە-پرەزيدەنتى  فيل شيللەردىڭ جۋرناليستەرمەن كەزدەسۋىندە حابارلاعانىنداي، كومپيۋتەر ءوزىن جەڭىل جاڭارتاتىن مودۋلدىك جوبالاۋعا يە بولادى.

«ماكتىڭ» ودان باسقا «پروفەسسيونالدى» ونىمدەر بۋىنى بۇعان دەيىن باس تارتىپ كەلگەن جاڭا سىرتقى ەكرانمەن تولىعادى. شىعارىلىم كەلەسى جىلعا جوسپارلانعان. «جاڭا Mac Pro جاساۋ اياسىندا — مودۋلدىك جۇيە بولىپ تابىلاتىن Pro ديسپلەيى دە جاسالادى، ءبىز جۇمىس پروسەسىندەمىز، بۇلاردى بيىل كورە المايسىزدار»،  - دەدى شيللەر.

«ءبىز ءوزىمىزدىڭ پروفەسسيونالدى قولدانۋشىلارىمىزعا تاماشا بىردەڭە جاسايمىز» دەگەن شيلەر جۋرناليستەردىڭ «جاڭا شىعاتىن Mac Pro-دا Microsoftء-تىڭ Surface Studio-سىنداعىداي سەنسورلى ەكران بولا ما؟» دەگەن سۇراعىنا توپ-مەنەدجەر بولىمسىز جاۋاپ بەردى.

Apple Mac Pro-نى 2013 جىلى تۇپكىلىكتى جاڭالاعان بولاتىن. كومپيۋتەر قۋاتتى اپپاراتتى ۇياشىق پەن قارا سيليندر مۇناراعا ۇقساس جاڭا ديزاينعا يە بولعان. وسىلايشا جەتىلدىرىلگەن Mac Pro-نىڭ كولەمى بۇرىنعىسىناy 1/8 ەسە كىشىرەيگەن.  

كەلەسى جىلى شىعاتىن كومپيۋتەردىڭ كونفيگۋراسياسىنا كەلسەك، ول  Intel Xeon اتتى 6 يادرولىق پروسەسسورلى، AMD FirePro D500 اتتى 2  ۆيدەوكارتالى جانە16 گب وپەراتيۆتى جادى بار بولىپ، باعاسى $2999 قۇرايتىن بولادى. ال، 8 يادرولىق ءچيپتى، ەكى D700 ۆيدەوكارتالىسى بولسا  $3999 باعادا ساتىلاتىن بولادى. كومپانيا سونداي-اق، بيىلعى جىلدىڭ اياعىنا دەيىن كومپيۋتەر-مونوبلوك iMacء-تى دە جاڭالاۋعا ۋادە ەتتى.