بۇعان دەيىن باي-ولكە جەرىندە ەر جانىبەك باتىردىڭ 300 جىلدىعىنا ارنالعان توي وتەتىنى تۋرالى، تويعا قازاق ەلىنەن «ەر جانىبەك» قوعامدىق قورى ۇيىمداستىرۋىمەن ءبىر توپ ازاماتتاردىڭ، باتىر ۇرپاقتارى مەن جۋرناليستەردىڭ اتتانعانى تۋرالى حابارلاعان بولاتىنبىز.
بايان ولگەيدە ەر جانىبەك باتىرعا ارنالعان سالتاناتتى شارالار اياسىندا باتىر قۇرمەتىنە كوشە اتاۋى بەرىلگەن. سونىمەن قاتار باتىرعا ەسكەرتكىش اشۋ جوسپارلانىپ، ەسكەرتكىش ورناتىلاتىن جەر دە ناقتىلانىپتى. باي-ولكە قازاقتارى ەلدەن بارعان دەلەگاسيانى ىستىق ىقىلاسپەن قارسى السا، سارى كول جايلاۋىندا ءوتىپ جاتقان تويعا جەرگىلىكتى بيلىك وكىلدەرى قىزۋ قولداۋ كورسەتكەن. قىركۇيەكتىڭ 12ء-سى باستالعان توي، ەرتەڭ، قىركۇيەكتىڭ 14-ىنە دەيىن جالعاسادى.
