2017 جىلدىڭ 6 ساۋىرىندە «اتاكەنت-ەحرو» كورمە ورتالىعىندا «ءىح حالىقارالىق كىتاپ جانە پوليگرافيا كورمە-جارمەڭكەسى» ءوتتى. كورمەگە ءار باسپا ءۇيى باسىپ شىعارعان كىتاپتارىن ۇسىنۋمەن قاتار، كورمە دەسە كورۋگە قۇمار كوپشىلىك تاريحي وقيعانىڭ كۋاگەرلەرى بولىپ قايتتى. تاۋەلسىزدىكتىڭ سيمۆولىنداي بولىپ كەتكەن «كوك تۋدىڭ جەلبىرەگەنى» اتتى ءاننىڭ ءسوزىن جازعان، سوزىنە بۇكىل ەلگە، وتانعا دەگەن سان جىلدىق ساعىنىشىن جازعان احمەتبەك ۇلى الماس مىرزانىڭ «ساردار» باسپا ۇيىنەن 1000 دانا تارالىممەن جارىق كورگەن «كوك تۋدىڭ جەلبىرەگەنى» اتتى جىر جيناعىنىڭ تۇساۋى كەسىلىپ، بەسىگى تەربەتىلدى.  قازاقستاننىڭ حالىق جازۋشىسى قابدەش ءجۇمادىلوۆ، «ساردار» باسپا ءۇيىنىڭ ديرەكتورى ءادىل قويتانوۆ، حالىقارالىق «الاش» ادەبي سىيلىعىنىڭ لاۋرەاتى عالىم جايلىباي مىرزالار  سىيلى قوناق بولىپ، ادەبيەت، ولەڭ سۇيەر قاۋىمعا احمەتبەك ۇلى الماس مىرزانىڭ ءتول تۋىندىسى جايلى ءوز پىكىرلەرىن جەتكىزىپ، لەبىزدەرىن ءبىلدىردى.

قابدەش ءجۇمادىلوۆ مىرزا : «الماستىڭ ارعى ۇستازى م.دۋلاتوۆ، بەرگىدە ءپىر تۇتقان اقىنى ج.ناجىمەدەنوۆ. ەكەۋى دە وسال ەمەس. جالپى «كوك تۋدىڭ جەلبىرەگەنى» ولەڭىن ءمىرجاقىپتىڭ  «مەن بىتكەن ويپاڭ جەرگە الاسا اعاش» ولەڭىنىڭ قاسىندا تۇرسىن  دەپ جارىسا جازعان دەرسىڭ...»،-دەي كەلە، بۇگىن تۇساۋى كەسىلىپ جاتقان كىتاپتىڭ تارالىمى  1000 عانا دانا»،-دەپ باسپا ءىسىنىڭ بىلىكتى ماماندارىن قۇلاق قاعىس ەتتى.

«تاۋەلسىزدىكتىڭ قارلىعاشتارى ۇشقان كەزدە ەلگە ورالعانداردىڭ العاشقىلارىنىڭ ءبىرى بولىپ كەلگەن كىسى احمەتبەك ۇلى الماس باۋىرىمىز. مارفۋعا (مارفۋعا ايتحوجينا)، قابەكەڭدەر(قابدەش ءجۇمادىلوۆ) ، احمەتبەك ۇلى الماس - قازاقتىڭ ادەبيەتىنە، پوەزيانىڭ مۇحيتىنا تاپ-تازا ءبىر ءمولدىرىن الىپ كەلگەن تۇلعالار»،-دەپ ءسوز سويلەدى حالىقارالىق «الاش» ادەبي سىيلىعىنىڭ لاۋرەاتى عالىم جايلىباي مىرزا.

«ساردار» باسپا ءۇيىنىڭ ديرەكتورى ءادىل قويتانوۆ مىرزا : «كىتاپتى ەكىنشى رەت باسىپ شىعارۋىمىزدىڭ باستى سەبەبى- حالىقتىڭ سۇرانىسى. المەكەڭنىڭ ولەڭدەرىن قايدان الساق بولادى دەپ ىزدەپ كەلۋشىلەردىڭ كوبەيۋىنە بايلانىستى جانە تاۋەلسىزدىكتىڭ 25 جىلدىعىنا وراي  اكىمشىلىكتىڭ شەشىمىمەن باسىپ شىعارىپ وتىرمىز...ءالى دە جازارىڭ كوپ بولىپ، كىتابىڭ توم-تومعا اينالا بەرسىن»،-دەپ تىلەگىن ءبىلدىردى ءسوزىنىڭ سوڭىندا.

«...جالعىز وتان، كوتەرەمىن ارقاما

بولماسام دا جاۋىرىندى،ەڭسەلى.

جالعىز وتان، كوتەرەمىن توبەمە،

توبەم بيىك بولماسا دا تىم ەرەن...» دەگەن ولەڭ جولدارىن اۆتوردىڭ ءوز اۋزىنان  ەتىگەندەگى سەزىم وزگەشە... ەڭسەڭدى بيىكتەتىپ، ابىرويىڭدى اسقاقتاتىپ، تاۋەلسىزدىكتى تىرەك ەتىپ ، وتاندى سۇيۋگە، تۋعان جەردىڭ قاسيەتى مەن قاسيەتتى ۇلدارىن قۇرمەتتەۋگە باسشى بولاتىن جاقۇتتى جىرلارى ءار ءبىر قازاقتىڭ جۇرەگىنەن ورىن الاتىنى بەلگىلى...

«ءار شۋماعىم –سوعىپ تۇرعان جۇرەگىم» دەپ جىرلاعان اقىننىڭ جىرلارى وتكەن كۇننىڭ حابارشىسى عانا ەمەس، كەمەل كەلەشەكتىڭ كورىنىسى ىسپەتتەس...

قامشىگەر: ايگەرىم تاۋباي