ءساۋىردىڭ 6-سىنان 7-سىنە قاراعان ءتۇنى اقش سيريانىڭ يدليب پروۆينسياسىنا جاسالعان حيميالىق شابۋىلعا جاۋاپ رەتىندە سيريانىڭ اۋە بازاسىن زىمىرانمەن اتقىلادى.

بۇل جايىندا «قامشى» اقپاراتتىق اگەنتتىگى امەريكالىق ب ا ق –قا سىلتەمە جاساي وتىرىپ حابارلايدى.

باق-تىڭ حابارلاۋىنشا، بۇل شابۋىلدىڭ تەرروريزممەن كۇرەسكە قاتىسى جوق، يدليب پروۆينسياسىنداعى بەيبىت تۇرعىندارعا قارسى حيميالىق شابۋىلدى قولدانعان سيريانى جازالاۋ ماقساتىندا ورىن العان. سيريانىڭ اۋە بازاسىن 60-تان استام «توموگاۆك» زىمىراندارىمەن اتقىلانعان. اقش بيلىگىنىڭ ايتۋىنا قاراعاندا، شابۋىلدا ۇشۋ-قونۋ الاڭدارى، ۇشاقتار مەن جانارماي قۇيۋ ستانسيالارىن جارۋ كوزدەلگەن.

دونالد ترامپ شابىلدىڭ سەبەبىن اقش-تىڭ ومىرلىك قاۋىپسىزدىگىن قامتاماسىز ەتۋ ماقساتىندا جاسالعان دەپ ءتۇسىندىردى.

ەسكە سالا كەتەيىك، 4 ساۋىردە سيريانىڭ سولتۇستىك-باتىسىنداعى يدليب پروۆينسياسىنىڭ كوتەرىلىسشىلەر باقىلايتىن حان-شەيحۋن قالاسىندا حيميالىق شابۋىل سالدارىنان قازا تاپقانداردىڭ سانى 72-گە دەيىن جەتتى – ونىڭ 20-سى بالالار، ال 17ء-سى ايەل ادامدار

اقش پرەزيدەنتى دونالد ترامپ حيميالىق شابۋىلدى «ادامزات ءۇشىن ماسقارا ارەكەت» دەپ اتاعان. ول شابۋىل ءۇشىن سيريا پرەزيدەنتى باشار اسادتى جاۋاپتى دەپ تانىعان.