تۋنيستىك سوت مۇسىلمانداردىڭ اشۋىنا تيگەن بريتاندىق ديدجەي Dax J- ءتى 1 جىلدىق كولەمدە قاماۋعا الۋ تۋرالى شەشىم قابىلدادى، دەپ حابارلايدى قامشى اقپاراتتىق اگەنتتىگى tengrinews.kz-كە سىلتەمە جاساپ. ەسكە سالا كەتەتىن بولساق، وسىدان بىرنەشە كۇن بۇرىن بريتاندىق ديدجەي كلۋبتا يسلام ءدىنىنىڭ دۇعالارىن مۋزىكا رەتىندە قويعان.
كلۋب باسشىلىعى مەن ۇيىمداستىرۋشىلار اتالعان ىسكە قاتىستارىنىڭ جوق ەكەندىگىن ايتىپ، كەشىرىم سۇرادى.
ال Dax J – ءدىڭ ءوزى ىستەگەن ىسىنە وكىنىپ حالىقتان كەشىرىم سۇرادى. سونداي-اق ءوزىنىڭ تۋنيستەگى جۇما كۇنى وتكەن Orbit فەستيۆالىندە ەشكىمدى مۋزىكا ارقىلى نامىسىنا ءتيىپ، قورلاۋ ويىندا بولماعاندىعىن ايتىپ سۇحبات بەرەدى. بەرليندە تۇراتىن مۋزىكانت جازاسىن تۋنيستىك تۇرمەدە وتەمەۋى دە مۇمكىن.
