نۇرسۇلتان نازاربايەۆ شۆەسيا كورولى XVI كارل گۋستاۆقا ستوكگولم قالاسىندا بولعان تەررورلىق اكتىگە بايلانىستى كوڭىل ايتۋ جەدەلحاتىن جولدادى، - دەپ حابارلايدى «قامشى» اقپارات اگەنتتىگى  Tengrinews.kz-كە سىلتەمە جاساپ. جەدەلحاتتا ستوكگولمدەگى تەررورلىق اكت سالدارىنان ادامداردىڭ قازا بولعانى تۋرالى حاباردى مەملەكەت باسشىسى زور كۇيزەلىسپەن قابىلداعانى ايتىلعان. "ءبىز شۆەسيا حالقى مەن ۇكىمەتىنىڭ حالىقارالىق تەرروريزمگە قارسى تۇرۋ نيەتىن قولدايمىز. قازا بولعانداردىڭ وتباسىلارى مەن جاقىندارىنا قازاقستان حالقىنىڭ جانە جەكە ءوزىمنىڭ اتىمنان كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن"، - دەلىنگەن جەدەلحاتتا. ەسكە سالا كەتەيىك، ستوكگولم قالاسىنداعى جاياۋ جۇرگىنشىلەرگە ارنالعان دروتتنينگگاتان كوشەسىندە جۇك كولىگى ءبىر توپ ادامدى قاعىپ، ۇشەۋىن مەرت قىلدى، تاعى سەگىز ادام جاراقات العان بولاتىن.  سوڭعى مالىمەتتەر بويىنشا، تەراكتىدەن قازا تاپقانداردىڭ سانى تورتكە جەتىپ، ون ەكى ادام جاراقات العان. بۇل تۋرالى شۆەسيا راديوسى وقيعانىڭ كۋاگەرىنە سىلتەمە جاساپ حابارلاعان ەدى.