Isis (يسلام مەملەكەتى) مىسىرداعى ءدىني مەرەكە كۇنى ياعني جەكسەنبىدەگى بولعان ەكى بىردەي قاندى جارىلىستى ءوز مويىنىنا الدى دەپ حابارلايدى «قامشى» اقپاراتتىق اگەنتتىگى.
الەمدى ءدۇر سىلكىندىرگەن قوس بىردەي  لاڭكەستىك شابۋىل سالدارىنان  قىرىقتان استام ادام، ونىڭ ىشىندە شىركەۋ قىزمەتشىلەر مەن پوليسيا وكىلدەرى قازا تاپتى. بۇل وقيعا سوڭعى ون جىلدىقتاعى ەلدەگى حريستيان ءدىن وكىلدەرىنە قارسى جاسالعان ەڭ زۇلمات قان توگىس دەپ اتالۋدا. 
دايش جاسالعان لاڭكەستىك شابۋىلدى ءوز مويىنىنا العاندىعىن وزدەرىنىڭ Amaq اقپاراتتىق اگەنتتىگى ارقىلى حابارلادى. 
العاشقىسى ساعات 9.30 شاماسىندا كايردان 50 ميل سولتۇستىككە قاراي ورنالاسقان دەلتا تانتا قالاسىنداعى گەورگي شىركەۋىندە ورىن العان. رەسمي دەرەكتەرگە سۇيەنسەك، 27 ادام قازا تاۋىپ، 71 ادام اۋىر جارالانعان.
بۇدان ءبىر ساعات وتە الەكساندريا قالاسىنىڭ ماڭىنداعى اۋليە مارك شىركەۋىنىڭ قاقپاسى الدىندا بولعان جارىلىستان 13 ادام وپات بولىپ، 21 ادام اۋىر حالدە دەپ حابارلايدى مىسىر دەنساۋلىق ساقتاۋ ءمينيسترى
 

اۋدارعان: ارافات دەربەس ۇلى
The New York Times