قازاقتىڭ ەڭ كوپ تاراعان رۋى - ارعىن. قازاقتاردىڭ رۋ بويىنشا بەيرەسمي ساناعىنىڭ وسىنداي مالىمەتى الەۋمەتتىك جەلىلەردە جاريالانعان. بۇل مالىمەتتەرگە قاراعاندا، ورتا ءجۇزدىڭ وكىلى - ارعىنداردىڭ سانى 509 مىڭ ادام ەكەن. ەكىنشى ورىندا - تاعى دا ورتا ءجۇزدىڭ وكىلى - نايمان (395 مىڭ ادام). ءۇشىنشى ورىندا ۇلى ءجۇزدىڭ وكىلى - دۋلات (334 مىڭ).

كىشى جۇزدەگى ۇرپاعى ەڭ كوپ رۋ شومەكەي (100 مىڭ) بولىپ شىقسا، ادايلار - 90 مىڭ ادام، تابىندار - 80 مىڭ بولعان. Tengrinews.kz سايتىنىڭ جازۋىنشا 1896-1911 جىلى جۇرگىزىلگەن اۋىل شارۋاشىلىعى ساناعى مالىمەتتەرى بويىنشا دا ارعىنداردىڭ سانى 509 مىڭ ادام بولعان. ول ۋاقىتتا بۇل رۋ وكىلدەرى، نەگىزىنەن، كوكشەتاۋ، قارقارالى، اقمولا، تورعاي، اتباسار، پەتروپاۆل، ومبى ۋەزدەرى مەن سەمەي قالاسىندا تۇرعان.

مۇحامەدجان تىنىشبايەۆتىڭ مالىمەتىنشە، 1917 جىلى ارعىندار قازاق رۋلارى اراسىندا سانى (890 مىڭ ادام) جونىنەن ەكىنشى ورىندى يەلەنگەن. ءبىرىنشى ورىندا باي ۇلى (1 030 مىڭ ادام)، ءۇشىنشى ورىندا نايماندار (830 مىڭ ادام) بولعان.  قازاقستاندا شىلدە ايىنداعى ستاتيستيكا بويىنشا حالىقتىڭ  11،2 ميلليونى قازاقتار ەكەنى حابارلانعان بولاتىن. مالىمەتتەر بويىنشا شەتەلدەگى قازاقتار سانى 4،5 ميلليوننان استام ادامدى قۇرايدى.

قامشى-اقپارات