قازاقستانعا قىتايدان سينتەتيكالىق ەسىرتكىنىڭ جاڭا تۇرلەرى كەلىپ جاتىر، الماتىدا وتكەن دوڭگەلەك ۇستەلدە بۇل تۋرالى ق ر ءىىم ەسىرتكى بيزنەسىنە قارسى كۇرەس كوميتەتى ءتوراعاسىنىڭ ورىنباسارى جانات بيتەنوۆ ايقان. بۇلاي دەپ Tengrinews.kz حابارلادى.

"قحر-دان ەسىرتكىنىڭ جاڭا تۇرلەرى، اتاپ ايتقاندا JWH كەلىپ جاتىر. ءبىز ونىمەن كۇرەسىپ جاتىرمىز، ۇلكەن بولىگىن تاركىلەيمىز. سينتەتيكالىق ەسىرتكى تۇرلەرى ەسىرتكى زاتتارىنىڭ جيىنتىق كەستەسىنە كىرمەيدى، سول سەبەپتى ءبىز ونىمەن ۇستالعان ادامداردى قىلمىستىق جاۋاپكەرشىلىككە تارتا المايمىز، وسى جاعىنان پروبلەما بار. سوعان بايلانىستى قازاقستاننىڭ جاڭا قىلمىستىق كودەكسىنە 2015 جىلدان باستاپ، سينتەتيكالىق ەسىرتكى تۇرلەرى بويىنشا جاڭا تارماق ەنگىزىلەدى، ءبىز سوندا عانا توسقاۋىل قويا الامىز. ارينە، باسقا دا قيىندىقتار بار، مىسالى، spice بار. وعان ينتەرنەتپەن ەركىن تاپسىرىس بەرۋگە بولادى. بۇل جاعىنان كەدەن جانە پوشتا قىزمەتتەرىمەن بىرگە جۇمىس جۇرگىزىپ جاتىرمىز"، - دەدى بيتەنوۆ.

ونىڭ ايتۋىنشا، بۇل ماسەلە الەم بويىنشا بار. سينتەتيكالىق ەسىرتكى تۇرلەرى رەسەيگە دە، ەۋروپا ەلدەرىنە دە بارىپ جاتادى. الەمدە سينتەتيكالىق ەسىرتكىنىڭ 240-تان استام ءتۇرى بار ەكەن. قازاقستاندا ەسىرتكىگە تاۋەلدىلەردىڭ قاتارى ءقازىر 40 مىڭ ادام دەڭگەيىندە كورىنەدى.

قامشى-اقپارات