ق ر پرەزيدەنتى نۇرسۇلتان نازاربايەۆ «قازاقفيلم» كينوستۋدياسىنا تۇرىكتىڭ «سۇلەيمەن سۇلتان» سەريالى ءتارىزدى تاريحي كينوەپوپەيا ءتۇسىرۋدى تاپسىردى. قازاقپاراتتىڭ جازۋىنشا بۇل تۋرالى كەشە الماتىدا «ەۋرازيا» حالىقارالىق كينوفەستيۆالىنىڭ اشىلۋىندا قالا اكىمى احمەتجان ەسىموۆ ايتقان.
ءقازىر وسىنداي كارتينانى تۇسىرەتىن تالانتتى رەجيسسەرلەر، سەناريستەر، اكتەرلەر وتە كوپ جانە كينوستۋديادا بارلىق مۇمكىندىكتەر بار ەكەنىن ايتقان اكىم: «كەشە مەن مەملەكەت باسشىسىمەن اڭگىمەلەستىم. الەمدىك اۋقىمداعى جاڭا داۋىرلىك لەنتالار جاساۋ تۋرالى اڭگىمە بولدى. مىسالعا، پرەزيدەنت قازاقستاندىقتاردىڭ «سۇلەيمەن سۇلتان» تۇرىك سەريالىن قىزىعا كورەتىنىن اتاپ ءوتتى. ول «قازاقفيلم» الدىنا جانىبەك پەن كەرەي حانداردان باستاپ، قازاق حالقىنىڭ تاريحىن باياندايتىن وسىنداي داۋىرلىك لەنتا جاساۋ مىندەتىن قويدى»، - دەگەن.
ەستەرىڭىزدە بولسا حابار ارناسى تۇركيانىڭ «سۇلتان سۇلەيمەن» اتتى تاريحي تەلە ساريالىن كورەرمەندەرگە ۇسىنعان بولاتىن.
قامشى-اقپارات
