قاراعاندى وبلىسىنىڭ قىلمىستىق ىستەر جونىندەگى ارنايى سوتى تەمىرتاۋ قالاسىنىڭ تۇرعىنىن 18 جىلعا باس بوستاندىعىنان ايىردى، دەپ جازادى «قامشى» اقپاراتتىق اگەنتتىگى.

Today.kz جاڭالىقتار قىزمەتىنىڭ حابارلاۋىنشا، ازامات 2-سىنىپ وقۋشىسىنا سەكسۋالدىق قىسىم كورسەتكەنى ءۇشىن ايىپتى دەپ تانىلدى.

«سوت قاۋلى شىعاردى: دەنيس كليمەنكونى ق ر 121 قىلمىستىق كودەكسىنىڭ 4-بابى بويىنشا ايىپتى دەپ تانىپ، 18 جىلعا باس بوستاندىعىنان ايىرىپ، قاتاڭ تارتىپتەگى كولونياعا توعىتۋ  جازاسى قولدانىلادى»، دەپ ۇكىم شىعاردى سوت تورەشىسى قايرات كاسيموۆ.

قىلمىسكەر ءوز كىناسىن مويىنداپ، وكىنگەنىن ايتادى.

قوسىمشا جازا رەتىندە سوت قىلمىسكەرگە پەداگوگيكالىق قىزمەت تۇرلەرىنەن الىستاتىلۋىن قاداعالايتىن بولادى.

ەسكە سالا كەتەيىك، تەمىرتاۋ قالاسىنىڭ مەكتەپتەرىنىڭ بىرىندە پەدوفيل وقۋشىنى ۇيىنە دەيىن اڭدىپ كەلگەن. اتا-اناسىنىڭ ۇيىندە جوق ەكەنىن بىلگەندىكتەن ارتىنان ەرىپ كىرىپ، ءوز مىندەتىن اتقارۋعا تىرىسقان. قىز بالا جان داۋسىمەن ايقايعا سالىپ، جارتىلاي جالاڭاش كۇيىندە اۋلاعا جۇگىرىپ شىعادى.

بىرەر ساعاتتان سوڭ پوليسەي قىزمەتكەرلەرى كۇدىكتىنى قولعا تۇسىرەدى. 38 جاستاعى جەرگىلىكتى تۇرعىن بۇرىن دا سوتتالعانى انىقتالدى.