دايش تەرروريستىك ۇيىمىنىنىڭ قۇرامىنا كىرىپ، قارۋ الىپ سوعىسقا اتتانعان قازاقستاندىقتار ازاماتتىعىنان ايىرىلادى. بۇل جايىندا ەلباسى نۇرسۇلتان نازاربايەۆ «مير 24» تەلەارناسىنا بەرگەن سۇحباتىندا ايتتى.

سونىممەن قوسا، بۇگىنگى تاڭدا دايش قۇرامىندا 500-600-گە جۋىق قازاقستاندىقتاردىڭ بارىن ايتتى.

«قازاقستان زاڭىنا سايكەس، قانداي دا ءبىر ەكسترەميستىك ۇيىمدارعا كىرىپ ەلدەن كەتكەن ازاماتتار قايتا ورالا المايدى.  بۇل قاتاڭ شارا. يسلام مەملەكەتىندە 500-600-گە جۋىق قازاقستاندىقتار بار. الايدا، ءبىز ءبىرىنشى كەزەكتە ادامداردىڭ مۇنداي تەرىس اعىمداردىڭ سوڭىنا ەرىپ كەتپەۋىن قاداعالايتىن شارالاردى قاراستىرۋىمىز ءتيىس»، دەدى نۇرسۇلتان نازاربايەۆ.

بيىل قىستا استانادا وتكەن سيريا كەلىسسوزدەرىنە قاتىستى پىكىر ايتقان نازاربايەۆ قازاقستاننىڭ كەزدەسۋگە ورىن ۇسىنعانىن ايتتى. «ءىس جۇزىندە استانا الاڭىنا جەنيەۆاداعى كەلىسسوزگە قاتىسپاعاندار، اسىرەسە وپپوزيسيا جاعىنان قاتىسىپ جاتىر. ءبىز قازاقستان قاقتىعىسۋشى تاراپتاردىڭ بارلىعىمەن بىردەي قارىم-قاتىناس ورناتقان دەپ ويلادىق، سەبەبى ءبىز مۇنداي كەلىسسوزدى ۇسىنىپ، وعان جاعداي جاسادىق. «يسلام مەملەكەتىن» جەڭۋگە جانە تەرروريزممەن كۇرەسكە مۇددەلى بارلىق مەملەكەتتەر تىعىز جۇمىس ىستەمەي ماسەلەنى شەشۋ مۇمكىن ەمەس» دەدى نازاربايەۆ.

دايش – قازاقستان رەسپۋبليكاسىندا قاتاڭ تىيىم سالىنعان تەرروريستىك ۇيىم.