ۆكونتاكتە الەۋمەتتىك جەلىسىن قولدانۋشىلاردىڭ ءبىرى، اجىراسقان ايەل قازىرگى كەزدەگى وزەكتى تاقىرىپتاردىڭ ءبىرى ايەل مەن ەر ادام اراسىنداعى قارىم-قاتىناس جايلى ماسەلە كوتەرە كەلىپ، «ناعىز ەركەكتەر جوق» دەگەن قورىتىندى جاساعان.
بۇل تۋرالى «قامشى» اقپارات اگەنتتىگى life.ru-عا سىلتەمە جاساپ حابارلايدى.
ايەل ءوزىنىڭ تاجىريبەسى جۇزىندە ەر ادامداردىڭ بۇزىلىپ بارا جاتقاندىعىن ءسوز ەتكەن. ءوزىنىڭ 23 جاستاعى تانىسىن سيپاتتاي كەلە ونىڭ كومپيۋتەر ويىندارىنا تاۋەلدىلىگىن، سكەيتبوردتا سىرعانايتىنىن، ءبىر سوزبەن ايتقاندى قىزىعۋشىلىعىنىڭ سالماقسىزدىعىن ايتا كەلىپ، بارلىق ازاماتتاردىڭ بىردەي ەكەندىگىن ايتقان.
«اجىراسقان، ەكى بالاسى بار مەن ءۇشىن مۇنداي ءومىر ءسۇرۋ قالپى تۇسىنىكسىز ءارى سوراقى» دەيدى ول ءوز جازباسىندا.
ەر ادامداردان كوڭىلى قالعان بۇل ايەلدىڭ جازباسى جەلىدە كەڭ تارالىپ، ءتۇرلى-تۇرلى پىكىرلەر جيناعان. ونىڭ ىشىندە تەرىس پىكىرلەر مەن كىنالاۋ ماعىناسىنداعى پىكىرلەر دە از ەمەس.
«قازىرگى زامان جىگىتتەرىنە سۇراق: قايداسىزدار؟ قايداسىزدار ناعىز جىگىتتەر؟» دەيدى ول ءوزىنىڭ جازباسىندا.
«نەلىكتەن سىزدەر ءۇشىن بالاسى بار ايەل قوعامنىڭ كەرەكسىز، قاجەتسىز بولىگى؟» دەپ قاپالانادى ايەل.
جازبانى وقىعان كوپشىلىك جىگىتتەر جاعىنا شىعىپ، ايەلدىڭ وزىنە كىنا تاققان.
