استانادا ەۇۋ عىلىمي كىتاپحاناسىندا الاش-وردانىڭ 100 جىلدىعىنا بايلانىستى عىلىمي كونفەرەنسيا ءوتىپ جاتىر دەپ حابارلايدى Qamshy.kz.

وسى جىلى جالپىۇلتتىق الاش پارتياسى مەن الاشوردا ۇكىمەتىنىڭ قۇرىلعانىنا 100 جىل، 100 مىڭنان استام وتانداسىمىزدىڭ ءومىرىن جالماپ، تاعدىرىنا بالتا شاپقان جاپپاي ساياسي قۋعىن-سۇرگىنگە 80 جىل تولادى.

وسىعان وراي «ۇلتتار كەلىسىمى» قق جانە ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى جانىنداعى  «الاش» مادەنيەت جانە رۋحاني دامۋ ينستيتۋتى»،  «وتىرار كىتاپحاناسى» عو، ازاماتتىق باستامالاردى قولداۋ ورتالىعىنىڭ باستاماسىمەن باسپاسوز-كونفەرەنسياسى ءوتىپ جاتىر.

كونفەرەنسياعا الاش قوزعالىسى جانە ساياسي رەپرەسسيالاردى زەرتتەپ جۇرگەن عالىمدار: ف.ع.د.، پروفەسسور ت.جۇرتباي، ت.ع.د.، پروفەسسور ز.ە.قابىلدينوۆ، فيلولوگيا عىلىمدارىنىڭ كانديداتى س.اقق ۇلى، ف.ع.د.، پروفەسسور س.جۇماعۇل، ساياساتتانۋشى بەرىك ءابدىعالي، ف.ع.ك. دوسەنت ق.كەمەڭگەر جانە رەپرەسسياعا ۇشىراعان الاش بوزداقتارىنىڭ ۇرپاقتارى قاتىستى.

باسپاسوز-كونفەرەنسياعا قاتىسۋشى عالىمداردىڭ ارنايى تاقىرىپتاردا جارىق كورگەن كىتاپتارى، سونىمەن قاتار ءاليحان بوكەيحاننىڭ 15 تومدىق شىعارمالار جيناعىنىڭ تۇساۋى كەسىلدى. كونفەرەنسيا اياسىندا ب ا ق وكىلدەرى جانە باسپا ءسوز كونفەرەنسياسىنا قاتىسۋشىلار 2017 جىلى بۇل باعىتتا جۇرگىزىلەتىن شارالارمەن تانىستى.

كونفەرەنسيا تۋرالى تولىقتىرىلعان اقپارات الداعى ۋاقىتتا جاريالاناتىن بولادى.