قازاقستان پرەزيدەنتى ن.ءا.نازاربايەۆ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا قوعامدىق سانانى جاڭعىرتۋدىڭ ناقتى باعىتتارىن سيپاتتاپ بەردى.
2017 جىل – قازاقستاننىڭ ەكونوميكالىق ءوسۋىنىڭ جاڭا ۇلگىسىن جاساپ، ءبىزدىڭ جاھاندىق باسەكەگە قابىلەتتىلىگىمىزدى قامتاماسىز ەتەتىن ءۇشىنشى جاڭعىرۋدى ىسكە اسىرۋ قولعا الىنعان جاڭا ءداۋىردىڭ باسى بولدى.
جاڭا كونستيتۋسيالىق رەفورما اۋقىمدى ساياسي جاڭعىرۋدىڭ نەگىزىن قالاپ، ءۇشىنشى جاڭعىرۋدى ىسكە اسىرۋعا ارنالعان قوعامدىق-ساياسي العىشارتتاردى قالىپتاستىردى.
قوعامدىق سانانى جاڭعىرتۋ جونىندەگى مەملەكەت باسشىسىنىڭ يدەياسى بۇگىنگى تاڭدا وتە قاجەتتى جانە ورىندى يدەيا.
ءبىز ساياسي ۇلتتى قالىپتاستىرۋ جولىندامىز. الەمدە الدىڭعى قاتاردان تابىلۋ ءۇشىن ءبىزدىڭ ءارقايسىمىز جانە بارشامىز بىرىگىپ ءوزىمىزدىڭ سانامىزدى، ءوي-ورىسىمىزدى وزگەرتىپ، ەسكىرگەن تاپتاۋرىندىقتاردان ارىلۋىمىز كەرەك.
«قازاقستان – 2050» ستراتەگياسىندا قازاقستان پرەزيدەنتى «ءداستۇر مەن مادەنيەت – ۇلتتىڭ گەنەتيكالىق كودى» دەپ كورسەتكەن. جاڭا تۇعىرنامادا جاڭعىرۋدىڭ باستى شارتى - ءوز مادەنيەتىڭدى، ءوزىڭنىڭ ۇلتتىق كودىڭدى ساقتاۋ ەكەنى ەرەكشە كورسەتىلگەن. قوعامنىڭ رۋحاني جاڭعىرۋى وزىق داستۇرلەر مەن ۇلتتىق-مادەني نەگىزدەرگە ارقا سۇيەۋى كەرەك.
بۇرىنعى يننوۆاسيالار بۇگىن داستۇرگە اينالدى، بۇگىنگى يننوۆاسيالار ەرتەڭ داستۇرگە اينالادى. مۇنداي ۇستانىم حالقىمىزدىڭ وتكەنىن، قازىرگى كۇنى مەن بولاشاعىن جالعاۋعا، ۇلتتىق سانانىڭ ءارالۋان پوليۋستەرىن جاقىنداتۋعا مۇمكىندىك بەرەدى.
ەلباسى قوعامدى دا، سونداي-اق ءاربىر ازاماتتى دا جاڭعىرتۋدىڭ ءبىرقاتار نەگىزگى باعىتتارىن ەرەكشە ءبولىپ كورسەتىپ وتىر.
بىرىنشىدەن، بۇل – باسەكەگە قابىلەتتىلىك، كومپيۋتەرلىك ساۋاتتىلىق، شەت تىلدەردى ءبىلۋ، مادەني اشىقتىق سياقتى فاكتورلارعا نەگىزدەلگەن تىڭ جاڭالىقتاردى الەمگە ۇسىنۋ قابىلەتى.
ەكىنشىدەن، بۇل – پراگماتيزم. ول ءبىرقاتار ادەتتەر مەن تاپتاۋرىندىقتاردان باس تارتۋدى دا، سونىمەن بىرگە ۇلتتىڭ پراگماتيكالىق مىنەز-قۇلقى مەن ۇتىمدى ويلاۋىن، اتا-بابالار داعدىلارىنىڭ تاريحي تاجىريبەسىن دە قامتيدى.
ۇشىنشىدەن، ۇلتتىق بىرەگەيلىكتى ساقتاۋ، ۇلتتىق سانا وزگەرگەن كەزدە ۇلتتىق «مەن»ء-نىڭ ىشكى مايەگىن ساقتاۋ.
بۇگىندە، بارلىق جاعىمسىز نارسەلەرگە ءداستۇر مەن سالت-سانانى قارسى قويۋعا بولادى. سونىمەن بىرگە، ءبىز ۇلتتىڭ دامۋىنا كەدەرگى كەلتىرەتىن وتكەننىڭ سارقىنشاقتارىنان ارىلۋىمىز كەرەك.
تورتىنشىدەن، ءبىلىم سالتاناتى – ۇلتتىڭ جەتىستىگى. الداعى تەحنولوگيالىق ريەۆوليۋسيا قازىرگى جەكەلەگەن كاسىپتەردىڭ جويىلۋىنا الىپ كەلگەن كەزدە، ءبىلىم - قول جەتكىزەر تابىستىڭ ەڭ ىرگەلى فاكتورى بولماق.
بەسىنشىدەن، تەك قانا ەۆوليۋسيالىق دامۋ ءبىزدىڭ وركەندەۋىمىزگە جول اشادى، بۇل جاڭعىرۋ يدەولوگياسىنىڭ قاعيداتى جانە قازاقستاننىڭ ءاربىر ازاماتىنىڭ ىشكى سەنىمى.
التىنشىدان، سانانىڭ اشىقتىعى، اۋما-توكپە زاماندا قوعامنىڭ جانە ءاربىر ادامنىڭ وزگەرىسكە دايىن بولۋى.
بۇل كوزقاراستار قوعامدىق سانانىڭ جاڭعىرۋى ءۇشىن ىرگەلى نەگىز بولادى.
مەملەكەت باسشىسى الداعى جىلدارعا ارنالعان ءبىرقاتار ناقتى جوبالاردى ايقىندادى.
الدىمەن، بۇل - قازاق ءتىلىن جاھاندىق اقپارات جانە بايلانىس الەمىنە جول اشاتىن لاتىن الىپبيىنە كوشىرۋ.
الەمدىك عىلىم مەن تەحنولوگيالاردىڭ، گۋمانيتارلىق ءبىلىمنىڭ سوڭعى جەتىستىكتەرىن قامتيتىن 100 جاڭا وقۋلىق مەملەكەتتىك تىلگە اۋدارىلىپ، باسىپ شىعارىلادى.
«تۋعان جەر» باعدارلاماسى كاسىپكەرلەردىڭ، شەنەۋنىكتەردىڭ، زيالى قاۋىم وكىلدەرى مەن جاستاردىڭ وزدەرىنىڭ كىندىك قانى تامعان جەرىنە قامقورلىق جاساپ، قولداۋ كورسەتۋىنە، ءپاتريوتيزمدى قالىپتاستىرۋعا قولايلى مۇمكىندىك بەرەدى.
«قازاقستاننىڭ كيەلى جەرلەرىنىڭ گەوگرافياسى» جوباسى جالپىۇلتتىق قاسيەتتى ورىنداردى جانە اسا قاستەرلى جەرلەردى ساقتاۋعا، سونداي-اق ەلدەگى تۋريستىك ينفراقۇرىلىمدى دامىتۋعا مۇمكىندىك بەرەدى.
«جاھانداعى زاماناۋي قازاقستاندىق مادەنيەت» جوباسىن ىسكە اسىرۋ قازاقستاندى ءوز شىعارماشىلىعى ارقىلى دۇنيەجۇزىنە تانىتاتىن كوپتەگەن تالانتتارعا جول اشادى.
«قازاقستانداعى 100 جاڭا ەسىم» جوباسى بۇگىنگى زامانداستارىمىزدىڭ ءتۇرلى سالالارداعى جەتىستىكتەرىن دارىپتەۋدى قامتاماسىز ەتەدى جانە جاستاردى ادامگەرشىلىككە تاربيەلەۋدىڭ جارقىن ۇلگىسى بولادى.
بۇل تاپسىرمالار مەملەكەتتىڭ جانە ازاماتتىق قوعامنىڭ بارلىق يدەولوگيالىق جۇمىسىنىڭ ورتا مەرزىمدى پەرسپەكتيۆاداعى نەگىزى بولادى.
ەلباسىنىڭ «جاڭعىرۋعا دەگەن ىشكى ۇمتىلىس – ءبىزدىڭ دامۋىمىزدىڭ ەڭ باستى قاعيداسى» دەگەن تەزيسى بۇگىنگى تاڭدا وتە وزەكتى.
سانانى جاڭعىرتۋ ءبىزدىڭ ماقساتتارىمىزدىڭ بىرلىگىن، قۇندىلىقتارىمىزدىڭ ورتاقتىعىن جانە قوعامدىق كەلىسىمنىڭ قۋاتىن ايشىقتايدى.
جاڭا يدەولوگيالىق تۇعىرناما كونستيتۋسيالىق رەفورمانى، ءۇشىنشى جاڭعىرۋدىڭ ەكونوميكالىق وركەندەۋىن تولىقتىرا تۇسەدى جانە قازاقستاننىڭ ءححى عاسىرداعى تابىستى دامۋىنىڭ دىلدىك قوزعاۋشى كۇشى بولىپ تابىلادى.
قوعامدىق سانانىڭ وزگەرۋى سىناپتاي سىرعىعان ۋاقىتتا، جاڭا سىن-قاتەرلەر زامانىندا قازاقستاننىڭ دامۋىنىڭ نەگىزى بولاتىن تۇراقتىلىقتى، بىرلىكتى، تاتۋلىقتى نىعايتۋعا مۇمكىندىك بەرەدى.
ءبىز، قازاقستاندىقتاردى جاۋاپكەرشىلىكتى مويىنعا الىپ، جاڭا يدەولوگيالىق «بولاشاققا باعدار: رۋحاني جاڭعىرۋ» تۇعىرناماسىن ىسكە اسىرۋعا بەلسەنە قاتىسۋعا شاقىرامىز!
ءبىز، حالقىمىزدىڭ شىعارماشىلىق الەۋەتى ءاردايىم اسقان بيىك ۇلتتىق رۋحتىڭ، جەڭىس رۋحىنىڭ، كەمەلدىككە، الەمدىك وركەنيەتتەن لايىقتى ورىن الۋعا ۇمتىلۋدىڭ جارقىن كورىنىسى بولاتىنىنا سەنىمدىمىز!
قازاقستان حالقى اسسامبلەياسىنىڭ كەڭەسى
