امەريكانىڭ نيۋ-يورك شتاتىندا ەرلى-زايىپتى حيزەر جانە ەرنەست فرانكليندەر «تەڭىز جاعالاۋىنداعى مانچەستەر» ءفيلمىن كورگەننەن كەيىن اسىراپ العان بالالارىن ولتىرگەندەرى ءۇشىن ايىپتالدى، دەپ حابارلايدى قامشى اقپاراتتىق اگەنتتىگى، New York Daily News گازەتىنە سىلتەمە جاساي وتىرىپ.
ەرلى-زايىپتىلارعا ادام ءولتىردى جانە دالەلدەردى جويدى، ءۇي ورتەدى دەگەن ايىپتاۋلار تاعىلىپ وتىر.
ايماقتىق پروكۋرور دجوزەف ماكبرايدتىڭ ايتۋىنشا، قىلمىس جاسالاردان بىر-ەكى ساعات بۇرىن «تەڭىز جاعالاۋىنداعى مانچەستەر» ءفيلمىن كورگەن ەكەن. ءفيلمنىڭ سيۋجەتى بويىنشا باس كەيىپكەر لي چەندلەر ءوز ءۇيىن بايقاۋسىز ورتەپ جىبەرگەندە، ءۇيدىڭ ىشىندە ءۇش بالاسى قالىپ قويادى. جانە وسى ءىسى ءۇشىن وعان ايىپتاۋلار تاعىلمايدى.
«ول(حيزەر فرانكلين) بەلگىسىز سەبەپتەرگە بايلانىستى شەنانگو مەن دەلاۆار وكرۋگتەرىنە بارىپ قايتقان. جانە ءورت ءسونىپ بولعانشا ۇيگە قايتىپ كەلمەگەن»، - دەيدى پروكۋرور. حيزەر فرانكليننىڭ ءوزى ول ۋاقىتتا دۇكەن ارالاعانىن ايتقان. ولاردىڭ اسىراندى بالالارى دجەففري ىشەك اۋرۋلارىمەن اۋىرعان. ونىڭ اناسى Facebook پاراقشاسىندا بالاسىنىڭ اۋرۋ ەكەندىگىن جازعان. تەرگەۋ ناتيجەسىندە بالانىڭ ورتتەن بۇرىن ولگەندىگى بەلگىلى بولعان. ءبىراق ءولىمنىڭ ناقتى سەبەبى انىقتالماعان.
