ق ر پرەزيدەنتى نازاربايەۆتىڭ نازارىنا

ب ا ق وكىلى رەتىندە لاتىن الىپبيىنە جەدەل اۋىسۋدى قولدايمىز!

قۇرمەتتى پرەزيدەنت جانە ەل ازاماتتارى!

ەلباسى نۇرسۇلتان نازاربايەۆتىڭ باس گازەتكە جاريالانعان ماقالاسىندا «ەلىمىزدىڭ جاڭا تاريحي كەزەڭگە اياق باسقانى» باسا ايتىلدى. ۇلتتىق بىرەگەيلىكتى ساقتاۋ مەن باسەكە قابىلەتتىلىك اياسىنداعى ۇلتتىق سانانىڭ جاڭعىرۋى ءاربىر قازاقستاندىق ءۇشىن بۇلتارتپاس قاجەتتىلىك.

جاڭا تاريحي كەزەڭگە جاڭارۋمەن ادىم باسقالى وتىرعان قازاق قوعامىنىڭ، قازاقستان ازاماتتارىنىڭ پرەزيدەنت ماقالاسىن جىلى قابىلداپ، ونداعى باستامالارعا، اسىرەسە «لاتىنعا كوشۋ» جوباسىنا ايرىقشا قولداۋ بىلدىرگەنى ايقىن كورىنىپ وتىر.

ەلباسىنىڭ «رۋحاني جاڭعىرۋ» ماقالاسىندا كورسەتىلگەن بولاشاققا باعدارى «جاپونداردىڭ تاجىريبەسىن ۇلگى ەتە وتىرىپ، قازاق ەلىن قىسقا ۋاقىتتىڭ ىشىندە مادەنيەتى مەن ەكونوميكاسى وركەندەگەن الەمدەگى جەتەكشى مەملەكەتتەردىڭ قاتارىنا جەتكىزۋدى ويلاعان» ۇلت كوسەمى ءاليحان بوكەيحاننىڭ يدەياسىمەن استاسىپ جاتىر. ءقازىر الەمدەگى دامىعان مەملەكەتتەر تولىقتاي لاتىن گرافيكاسىن قولدانادى.

پرەزيدەنت سوزىندە ايتىلعانداي، لاتىنشاعا كوشۋدىڭ تەرەڭ لوگيكاسى بار. بۇل قازىرگى زامانعى تەحنولوگيالىق ورتانىڭ، كوممۋنيكاسيانىڭ، سونداي-اق ءححى عاسىرداعى عىلىم جانە ءبىلىم بەرۋ پروسەسىنىڭ ەرەكشەلىكتەرىنە بايلانىستى. ال، كوممۋنيكاسيالىق دامۋدىڭ ساعاتتاپ جەتىلىپ، تەحنولوگيانىڭ كۇن ساناپ تىڭ جەتىستىكتەرگە جەتىپ جاتقان زامانىندا قازاق قوعامى كوشتەن قالماۋعا ءتيىس.

سوندىقتان دا پرەزيدەنت اتاپ ايتقان «2025 جىلعا قاراي ءىس قاعازدارىن، مەرزىمدى ءباسپاسوزدى، وقۋلىقتاردى، ءبارىن دە لاتىن الىپبيىمەن باسىپ شىعارا باستاۋعا ءتيىسپىز» باستاماسىن قامشى اقپاراتتىق اگەنتتىگى تولىقتاي قولدايدى.

«قامشى» اقپاراتتىق اگەنتتىگىندە اشىلعاننان بەرى قارايعى 5 جىل ۋاقىتتا تاراتقان اقپاراتتارىنىڭ بارلىعىن لاتىن گرافيكاسىندا دا وقۋعا تەحنيكالىق مۇمكىندىك جاسالعان. ونىڭ اياسىندا ءبىزدى ەۋروپاداعى، تۇركياداعى، ءتىپتى قىتايداعى لاتىن ءالىپبيىن قولدانعان ون جىلدىقتىڭ بۋىنى دا ەركىن وقىپ، بوگەتسىز اقپارات الىپ كەلەدى. ياعني، لاتىن گرافيكاسىنا كوشۋ الەمدەگى قازاقتاردىڭ دا باسىن بىرىكتىرەتىن نەگىزگى فاكتور بولىپ وتىر.

ماقالادا كورسەتىلگەندەي، جىلدىڭ اياعىنا دەيىن قازاق ءالىپبيىنىڭ جاڭا گرافيكاداعى ءبىرىڭعاي ستاندارتتى نۇسقاسىن قابىلداۋ تالابىنىڭ جەدەل ىسكە اسۋىنا باسپا ءسوز وكىلى رەتىندە قامشى اقپاراتتىق اگەنتتىگى مۇددەلىلىك تانىتادى.

سونداي-اق، قامشى اگەنتتىگى ءبىرىڭعاي گرافيكا قابىلدانسا، الدىڭعىلاردىڭ ءبىرى بولىپ، قازاق ءالىپبيىنىڭ جاڭا تاڭباسىمەن اقپارات تاراتۋعا دايىن ەكەنىن حابارلايدى.

قامشى اقپاراتتىق اگەنتتىگىنىڭ رەداكسياسى