«ەكسپو-2017» كورمەسىنىڭ Festival Avenue جاڭا ساۋدا ورتالىعىنا جۇزدەن اسا قازاقستاندىق برەند شىعارىلاتىن بولادى دەپ حابارلايدى "قامشى" اقپاراتتىق اگەنتتىگى.
سونداي-اق قازاقستاندىق ءونىم شەتەلگە (شامامەن 30 ەل) ەكسپورتتالماق، وندا قازاقستاندىق پاۆيلوندار قۇرىلادى.
بۇگىنگى كۇننىڭ وزىندە Festival Avenue ساۋدا ورتالىعىنا 30 برەند شىعارىلعان.
پاۆيلوننىڭ ءبىرىنشى قاباتىندا قازاقستاندىق وندىرۋشىلەردىڭ كادەلىك ونىمدەرى ساتىلۋدا، ەكىنشى قاباتتا جەڭىل ونەركاسىپ تاۋارلارى بار. ءۇشىنشى قاباتتا دەگۋستاسيالاۋ زالى ورنالاسقان، وندا قازاقستاندىق ونىمدەردىڭ ءدامىن تاتىپ كورۋگە دە، ساتىپ الۋعا دا بولادى.
سونادي-اق "حالىق ماركاسى" فەدەراسياسىنىڭ استانا قوناقجايلارىندا كادەلىك ونىمدەردىڭ اسسورتيمەنتىن كەڭەيتىپ،مەيرامحانالاردىڭ مازىرىنە قازاق ۇلتتىق تاعامدارىن قوسپاق ويلارى بار.
قازاقستاندىق ونىمدەردى تانىتۋشى ستەندتەر جۋىق ارادا ەۋروپالىق ەلدەردىڭ، ءازىربايجان، قىرعىزستان، رەسەي جانە تۇركيانىڭ Duty free جەلىلەرىنە شىعارىلادى.
ريمما تاجىبايەۆا ، قازاقستاندىق تاۋارلار مەن قىزمەتتەر ساپاسىنا باقىلاۋ فەدەراسياسىنىڭ پرەزيدەنتى "حالىق ماركاسى":
"ءبىز وندىرۋشىلەردى بۇكىل ەلدىڭ ىشىنەن ىرىكتەپ الامىز. قازاقستان اتىنان سىرتقى نارىققا شىعۋعا لايىقتى برەندتەردىڭ قازاقستاندا جەتكىلىكتى ەكەندىگىن اتاپ وتكىم كەلەدى. استانادا پاۆيلونداردى ارالاپ شىققان شەتەلدىكتەر قازاقستاندىق تاۋارلارعا كوڭىلدەرى تولىپ، ءبىراز زات ساتىپ الدى."
2-3 ايدان سوڭ ماسكەۋدە ەۋرازيالىق ىسكەرلىك كەڭەس شەڭبەرىندە ساۋدا-ەلەكتروندى الاڭشا جۇمىسىن باستاماق. 2016 جىلى ەلدەردىڭ جانە رف ايماقتىق پاۆيلوندارى فورماتىندا تۇراقتى نەگىزدە ىستەپ تۇرعان ەادس-ەكسپو كورمەسى جوباسى ىسكە قوسىلدى، وندا وندىرۋشىلەردىڭ ونىمدەرى قويىلادى. بۇل كورمە ەۋرازيالىق ەكونوميكالىق كوميسسيا، رەسەي فەدەراسياسىنىڭ باسقا سالالىق مينيسترلىكتەرى مەن ۆەدومستۆولارى تاراپىنان جوعارى باعاعا يە بولدى. كورمە رەسەي فەدەراسياسى سۋبەكتىلەرى اراسىنداعى، سونداي-اق ەاەو، بريكس، اسەان، شىۇ مۇشە ەلدەر، ورتالىق جانە ورتا ازيا ايماعى، تاياۋ شىعىس پەن سولتۇستىك افريكا ەلدەرى اراسىنداعى، رەسەيدىڭ وڭىرلەرى مەن اتالعان ارىپتەس ەلدەردىڭ ساۋدالىق وپەراتورلارى اراسىنداعى تىكەلەي ىسكەرلىك قاتىناستار سالاسىندا جان-جاقتى ەكونوميكالىق دامۋدىڭ زور اۋلەتى بار ەكەندىگىن كورسەتتى.
ماريا اناربايەۆا، ەۋرازيالىق ىسكەرلىك وداقتىڭ وكىلى:
"ەۋرازيالىق ىسكەرلىك وداققا ءبىزدىڭ وندىرۋشىلەرىمىزدى تانىتا وتىرىپ، ءبىز ەلدەردىڭ نارىقتارىن، اسىرەسە رەسەي نارىعىن زەرتتەدىك. ءبىزدىڭ كومپانيالاردىڭ الۋەتى بويىنشا ساراپتاما جۇرگىزىپ، بۇكىل قازاقستاندىق دايىن ءونىم ەكسپورتتالا الادى، دەگەن قورىتىندىعا كەلدىك، الايدا وعان قاتىستى جۇمىس جۇرگىزۋ كەرەك.
بىرەۋلەر ماركەتينگىسىن جوندەۋى كەرەك، ەندى بىرىنە رەبرەندينگ قاجەت، كەيبىرەۋلەرىنىڭ بۇل تۇستارى ويداعىداي بولعانمەن، لوگيستيكا، قويما ماسەلەسى شەشىمىن تاپپاعان. ءتىپتى ءىرى كومپانيالاردىڭ وزىنە بۇل ماسەلەلەردى شەشۋ ءۇشىن ءبىراز بيۋدجەت كەرەك. سول سەبەپتى ءار ەلدە ساۋدا ءۇيىن قۇرۋ كەرەك، ونى ءبىز ءوزىمىزدىڭ الۋەتتى ارىپتەسىمىز رەتىندە قاراستىرماقپىز، ونىمەن ساۋدالىق قاتىناستار ورناتۋعا دايىنبىز. ءبىزدىڭ ونىمگە قاتىستى جۇمىستى كاسىبي تۇلعالار جۇرگىزۋگە ءتيىس، ولار مەنتاليتەتتى، ءوز نارىعىندا تاعام ونىمدەرىن ىلگەرلەتۋ مۇمكىندىكتەرىن جانە سۇرانىستى بىلەتىن ادامدار بولماق.رەسەيدە ءبىز كوماندا قۇردىق، ول ساۋدا جەلىلەرىمەن جۇمىس ىستەي الاتىن، ءونىمدى جارنامالاي الاتىن، ياعني، ءونىم تيەلگەننەن باستاپ دەبيتورلىق قارىزعا دەيىن جاعدايلاردى باقىلاۋعا الاتىن توپ. «قازاقستاندى تانىتۋ كەرەك!»
باستىسى، ءونىمدى ەكسپورتتاۋ ءۇشىن ياعني سىرتقى ساۋداعا شىعۋ ءۇشىن قازاقستاننىڭ ىشكى نارىعى قامتاماسىز ەتىلۋگە ءتيىس. ال ءوندىرۋشى ىشكى نارىقتا جەلىلەرمەن جۇمىسىن ءپىسىرىپ العان سوڭ عانا جاڭا بيىكتىكتەرگە ۇمتىلۋى قاجەت. رەسەيلىكتەرمەن سالىستىرعاندا ازىرگە كوپتەگەن كومپانيالار ءبىزدىڭ جەلىلەرمەن جۇمىس ىستەۋگە دايىن ەمەس.
قازاقستاندىق وندىرۋشىلەردى قولداۋ ماقساتىندا «قازاقستاندىق تاۋارلار مەن قىزمەتتەر ساپاسىنا باقىلاۋ "حالىق ماركاسى" فەدەراسياسى» "Miss Expo Made in Kazakhstan-2017" سۇلۋلىق فەستيۆالىنىڭ باستالىپ وتىرعاندىعىن جاريالايدى.
فەستيۆالدىڭ ماقساتى مەن مىندەتى – جاڭا، جارقىن يدەيالاردى تابۋ، قازاقستاندىق برەندتەردى ىلگەرلەتۋ جانە قازاقستاننىڭ تۋريستىك مۇمكىندىكتەرىن جارنالاماۋ.
كونكۋرسقا قازاقستاننىڭ 84 قالاسىنان 14 پەن 22 جاس ارالىعىنداعى قىزدار قاتىسا الادى.
كونكۋرسقا وتىنىشتەر 2017 جىلدىڭ 15 ءساۋىرى مەن 05 ماۋسىمى ارالىعىندا قابىلدانادى.
كونكۋرسقا قاتىسۋشىلار ءوز قالاسى تۋرالى 1 مينۋت كولەمىندە بەينەپرەزانتاسيا ازىرلەۋگە ءتيىس.
سونداي-اق سول قالادا شىعارىلاتىن ءۇش تاۋار نە قىزمەت جارنامالانادى (كادردا قىز بالانىڭ قاتىسۋىمەن ءۇش سۋرەت بولۋعا ءتيىس ).
كونكۋرس جەڭىمپازى سايتقا كىرۋشىلەر اراسىندا جۇرگىزىلەتىن اشىق تۇردە ينتەرنەت-داۋىس بەرۋ ارقىلى ايقىندالادى.
جەڭىمپاز قازاقستان برەندتەرىن بۇكىل الەمگە تانىتاتىن بولادى.
كونكۋرستىڭ رەسمي پورتالى: www.halykmarkasy.kz
كونكۋرس ماتەريالدارىنىڭ وتىنىشتەرى halykmarkasy@gmail.com ەلەكتروندى پوچتاسىنا جىبەرىلەدى.
قوسىمشا اقپارات الۋ ءۇشىن حابارلاسۋىڭىزعا بولادى: ريمما تاجىبايەۆا، تەل. 8 771 442 27 78
