ءقازىر قىلمىسكەردىڭ ۇستىنەن ق ر قىلمىستىق كودەكستىڭ 3 ءبولىمى 106 تارماعى بويىنشا ءىس قوزعالىپ، تەرگەۋ جۇمىستارى جۇرگىزىلىپ جاتىر، دەپ حابارلايدى tumba.kz باسىلىمى. مالىمەتتىڭ قازاقشا نۇسقاسىن «قامشى» اقپاراتتىق اگەنتتىگى وقىرمان نازارىنا ۇسىنادى.

17 جاستاعى قىزدى جىگىتى ۇرىپ-سوعىپ ولتىرگەنى جايلى اقپارات الدىمەن الەۋمەتتىك جەلىلەردە تاراعان.

ماڭعىستاۋلىق تۇرعىننىڭ ايتۋىنشا، اۋىر سوققىدان كوز جۇمعان بويجەتكەن اقتاۋ قالاسىنداعى جارمىش اۋىلىندا اپكەسىمەن بىرگە تۇرادى ەكەن. اتالمىش وقيعا ورىن العانعا دەيىن اقىرىس اپكەسىمەن ۇرسىسىپ قالىپ، ساين-شاپاعات اۋىلىندا تۇراتىن تۋىسىنىڭ ۇيىنە كەتىپ قالعان. سول جەردەن تۋعان تويلاۋعا شىققان كەزىندە جىگىتى الىپ قاشىپ كەتكەن. كەيىننەن الىپ قاشقان جىگىتى اقىرىستى اياماي سوققىعا جىعىپتى. كەيىننەن قىزدى دەرەۋ اۋرۋحاناعا جەتكىزىپ، اۋىر سوققىنىڭ سالدارىنان ەسىن جيماستان كوز جۇمدى.

پوليسيا قىزمەتكەرلەرى بويجەتكەنگە زورلىق كورسەتۋدىڭ سالدارىنان كوز جۇمعاندىعىن راستادى. اتالمىش وقيعاعا قاتىستى سوتقا دەيىنگى تەرگەۋ جۇمىستارى باستالدى.

«9 ءساۋىر كۇنى 23:00 شاماسىندا 1996 جىلدىڭ تۋماسى كامەلەت جاسقا تولماعان 17 جاستاعى بويجەتكەندى اياۋسىز ۇرىپ-سوققان. زارداپ شەگۋشىنى دەرەۋ وبلىستىق اۋرۋحاناعان جەتكىزگەنىمەن، ءومىرىن ساقتاپ قالۋ مۇمكىن بولمادى. بويجەتكەن اۋىر سوققىنىڭ سالدارىنان كوز جۇمدى»، - دەپ مالىمدەدى ماڭعىستاۋ وبلىسىنىڭ ءىىد باسپا ءسوز قىزمەتى.