بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە جامبىل وبلىسى اكىمدىگىنىڭ تىلدەردى دامىتۋ باسقارماسىنىڭ باسشىسى عاليا بورانبايەۆا حابارلادى.

باسقارما باسشىسىنىڭ سوزىنە سۇيەنسەك، اۋداندار مەن تاراز قالاسىنان ارنايى الىنعان مالىمەتكە سايكەس بۇگىندە وبلىستا ءمان-ماعىناسى ەسكىرگەن، قازىرگى قوعامعا جات اتاۋلاردىڭ جالپى سانى – 842، ونىڭ ىشىندە 800 كوشە، 5 اۋىلدىق وكرۋگ، 13 ەلدى مەكەن جانە 24 نىسان قايتا اتاۋدى تالاپ ەتەدى. سونداي-اق اتاۋسىز نىساندار (73) مەن كوشە سانى (89) – 162، رۋ اتاۋلارىمەن – 6، قايتالاناتىن كوشەلەر سانى – 135، تەك اتى نەمەسە تەگى عانا جازىلعان بەيمالىم تۇلعالار ەسىمىمەن اتالعان اتاۋلار سانى – 82 ەكەندىگى انىقتالدى دەپ حابارلايدى "قامشى" اقپاراتتىق اگەنتتىگى.

اعىمداعى جىلى وبلىستىق ونوماستيكالىق كوميسسياسىنىڭ كەزەكتى وتىرىسىندا 2 اۋىلدىق وكرۋگ، 5 اۋىل، 87 كوشەنى قايتا اتاۋ بويىنشا ونوماستيكا كوميسسياسىنىڭ وڭ قورىتىندىسى قابىلداندى. ياعني 94 جاڭا اتاۋلار بەرىلدى.

سونىمەن قاتار اۋداندار مەن تاراز قالاسىنداعى نىساندار، كوشەلەر (داڭعىل، تۇيىق، بۇرىلىس ت.ب.) جانە ەلدى مەكەن اتاۋلارىن جۇيەلەۋ، ناقتىلاۋ ماقساتىندا زاڭدى قۇجاتتارىنا باسقارما تاراپىنان زەردەلەۋ جۇمىستارى  جۇرگىزىلىپ، ناتيجەسىندە جالپى وبلىس بويىنشا 148 اۋىلدىق وكرۋگتىڭ  135-دە، 384 ەلدى مەكەننىڭ 295-دە، 5394 كوشەنىڭ 1910-دا جانە كەيبىر نىسانداردىڭ قۇجاتتارى جوق ەكەندىگى انىقتالدى.

اتاپ ايتار بولساق: بايزاق اۋدانىندا 18 – اۋىلدىق وكرۋگ، 43 – ەلدى مەكەن، 95 – كوشە، جامبىلدا 14 – اۋىلدىق وكرۋگ، 26 – ەلدى مەكەن، 211 – كوشە، جۋالىدا 14 – اۋىلدىق وكرۋگ، 31 – ەلدى مەكەن، 102 – كوشە، قوردايدا 19 – اۋىلدىق وكرۋگ، 42 – ەلدى مەكەن، 170 – كوشە، مەركىدە 14 – اۋىلدىق وكرۋگ، 41 – ەلدى مەكەن، 50 – كوشە، مويىنقۇمدا 14 – اۋىلدىق وكرۋگ، 22 – ەلدى مەكەن، 122 – كوشە، سارىسۋدا 9 – اۋىلدىق وكرۋگ، 21 – ەلدى مەكەن، 26 – كوشە، تالاستا 13 – اۋىلدىق وكرۋگ، 24 – ەلدى مەكەن، 103 – كوشە، شۋدا 18 – اۋىلدىق وكرۋگ، 45 – ەلدى مەكەن، 485 – كوشە، تاراز قالاسىندا 546 – كوشە جانە 2 نىساننىڭ قۇجاتتارى جوق ەكەندىگى انىقتالىپ وتىر، - دەپ وكق- دە وتكەن بريفينگتە  عاليا بەكتەن قىزى مالىمدەدى.