بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە جامبىل وبلىسى اكىمدىگىنىڭ تىلدەردى دامىتۋ باسقارماسىنىڭ باسشىسى عاليا بورانبايەۆا باياندادى دەپ حابارلايدى "قامشى" اقپاراتتىق اگەنتتىگى.

سپيكەردىڭ مالىمەتىنشە، مەملەكەتتىك مەكەمەلەردەگى دەرەكتەمەلەر ءتىلى، مەكەمە اتاۋى جازىلعان ماڭدايشالار مەن كوشە اتاۋى جازىلعان انشلاگتاردىڭ ۇلگىگە سايكەس ازىرلەنىپ، ورنالاسۋىنا زەردەلەۋ جۇمىستارى جۇرگىزىلىپ، ادىستەمەلىك كومەك كورسەتۋ بارىسىندا اۋقىمدى جۇمىستار اتقارىلۋدا.

وبلىس بويىنشا 1949 مەملەكەتتىك نىسان بار. 2016 جىلى 1762 مەملەكەتتىك مەكەمەگە زەردەلەۋ جۇمىستارى جۇرگىزىلىپ، مەكەمە ماڭدايشالارىنىڭ 451-دە ق ر ۇكىمەتىنىڭ №1371 قاۋلى تالاپتارى ساقتالماعاندىعى انىقتالعان. ماڭدايشالاردا ءتىل نورمالارىنىڭ بۇزىلۋى – ورفوگرافيالىق قاتەلەر، اتاۋلاردىڭ ترانسكريپسياسىنىڭ دۇرىس بەرىلمەۋى، ت.ب. سياقتى قاتەلەر ورىن الادى.

مەملەكەتتىك مەكەمە ماڭدايشالارى تالاپقا ساي ازىرلەنبەي، اتالعان قاتەلىكتەر ورىن الۋىنا بايلانىستى ونوماستيكا كوميسسياسى وتىرىسىنىڭ حاتتامالىق تاپسىرماسىنا سايكەس وبلىستاعى مەملەكەتتىك مەكەمە اتاۋى جازىلعان ماڭدايشالار تاپسىرىس بەرمەس بۇرىن باسقارمامەن كەلىسۋ جۇمىستارى جۇرگىزىلۋدە. ناتيجەسىندە، بۇگىنگى كۇنگە دەيىن اۋداندار بويىنشا 355 مەكەمە ماڭدايشاسى باسقارمامەن كەلىسىلدى (ترانسكريپسيالارى ناقتىلاندى)، 96 ماڭدايشا ق ر ۇكىمەتىنىڭ №1371 قاۋلى تالاپتارىنا سايكەس بىرىزدەندىرىلگەندىگى تۋرالى حابارلاندى.

دەگەنمەن وبلىستاعى ىشكى ىستەر ورگاندارىنا قاراستى قالالىق جانە اۋداندىق پوليسيا بولىمدەرىنىڭ ماڭدايشالارى سىن كوتەرمەيتىن جاعدايدا. الداعى ۋاقىتتا وسى باعىتتا جۇمىس جۇرگىزۋ باسقارمانىڭ جۇمىس جوسپارىندا بار، - دەپ ءسوزىن تۇيىندەدى عاليا بەكتەن قىزى.