بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە ءورت سالاسىنداعى باقىلاۋ جانە پروفيلاكتيكالىق قىزمەت باسقارماسى باستىعىنىڭ ورىنباسارى ماقسات اكىمبايەۆ حابارلادى دەپ جازادى "قامشى" اقپاراتتىق اگەنتتىگى.

 ماقسات ءاشىرباي ۇلىنىڭ سوزىنە سۇيەنسەك، «2017 جىلعى ءورت ءقاۋىپتى ماۋسىمىندا وبلىس اۋماعىندا تابيعي  ورتتەردىڭ الدىن الۋ جانە جويۋ جونىندەگى ءىس شارالار جوسپارىن» بەكىتۋ تۋرالى قاۋلى جوباسى ازىرلەندى اتالعان قاۋلىدا ورمان جانە دالا اۋماقتارىن ورتتەن قورعاۋدىڭ ءتيىستى دەڭگەيىن قامتاماسىز ەتۋ، سونداي-اق ورمان جانە دالا ورتتەرىن جويۋعا وبلىستىق تج دەپارتامەنتىنىڭ، اۋدان اكىمدەرىنىڭ، تەمىر جول جانە اۆتوكولىك جولدارىنا قىزمەت كورسەتەتىن ۇيىمداردىڭ، ورمان شارۋاشىلىعى مەن اۋىلشارۋاشىلىق  سۋبەكتىلەرىنىڭ  دايىندىق دەڭگەيىن ارتتىرۋ جونىندەگى ءىس-شارالار ايقىندالدى.

ورمان قورى جەرىندە 452 قۇرىلعان 57 ءورت سوندىرەتىن توپ جانە 126 جەكە قۇرامى بار 14 مەملەكەتتىك ەمەس ورتكە قارسى قىزمەت جاساقتارى جانە 14 ءورت ءسوندىرۋ ستانسيالارى دايىندىققا كەلتىرىلدى.  ءورت ءسوندىرۋ ستانسيالارى ارنايى ءورت ءسوندىرۋ اۆتوماشينالارىمەن جانە قۇرال-سايماندارمەن قامتاماسىز ەتىلدى.

ورمان شارۋاشىلىعى مەكەمەلەرىن ماتەريالدىق جابدىقتاۋ جاعدايىن جاقسارتۋ ماقساتىندا 2017 جىلى  ۋاز بازاسىنداعى 4 ءورت ءسوندىرۋ تەحنيكاسىن ساتىپ الۋ ءۇشىن وبلىس اكىمدىگىنەن 56 ملن. تەڭگە ءبولىندى.  قازىرگى تاڭدا ورتكە ءقاۋىپتى كەزەڭدە پايدالانۋ ءۇشىن ورمان قورى اۋماعىندا  57 اۆتوتەحنيكا (ۋاز-469، ۋاز-فەرمەر، گاز -53، گاز-66)،  14 ءورت ءسوندىرۋ اۆتوكولىگى، 40 سوقالى تراكتورلار، 3 توننالىق تىركەمەلى 14 بىرلىك امبەباپ سيستەرنا، 92 اسپالى ءورت سوندىرگىش جانە 596 شىرتىلداق  دايىندالدى، - دەدى سپيكەر.

          ورمان قورىنا كىرەتىن ۇلكەن جول بويلارىندا  36 ءورت باقىلاۋ مۇنارالارى جانە 16 تەكسەرۋ بەكەتتەرى قويىلىپ، ورمان قورىقشىلارىنىڭ كەزەكشىلىگى ۇيىمداستىرىلدى جانە ولار تۇراقتى جانە جىلجىمالى 87 راسيامەن قامتاماسىز ەتىلدى (ونىڭ ىشىندە: 28-ستانسيونارلىق،  28-اۆتوموبيلدىك جانە 31-قولدا ۇستايتىن).

اۋىلدىق مەكەندەردە 2368 ادامنان قۇرىلعان  171 ەرىكتى ءورت ءسوندىرۋشى قۇرىلىمدار ۇيىمداستىرىلدى جانە ولار ءورت سوندىرۋگە ارنالعان 303 دانا  تىركەمەلى تراكتورلار، 34 سۋ تاسىعىش تەحنيكامەن  جانە 228 بەيىمدەلگەن تەحنيكامەن، 24 ءورت موتوپومپاسىمەن  جابدىقتالدى. ءورت  سوندىرۋگە قاجەتتى 78 اسپالى ءورت سوندىرگىش  جانە  2753 دانا قول استى ءورت سوندىرگىش قۇرالدارى دايىندالدى.

سونىمەن بىرگە، وتكەن جىلى ەرىكتى ورتكە قارسى قۇرىلىمداردى جاۋىنگەرلىك كيىممەن جابدىقتاۋ ءۇشىن  بايزاق اۋدانىندا 756 مىڭ تەڭگە،  ت.رىسقۇلوۆ اۋدانىندا 2 ملن. 400 تەڭگە، مەركى اۋدانىندا 2 ملن. 800 مىڭ، سارىسۋ اۋدانىندا 1 ملن. تەڭگە، شۋ اۋدانىندا   1 ملن. 245 مىڭ تەڭگە ءبولىندى، - دەپ حابارلادى ماقسات اكىمبايەۆ

قورداي اۋدانى سورتوبە اۋىلىندا 20 كم. راديۋستا 47 مىڭنان استام حالقى بار  8 ەلدى مەكەننىڭ ورتكە قارسى قورعىنىسپەن قامتاماسىز ەتەتىن ءورت پوستى قۇرىلدى، ونى ۇستاۋ ءۇشىن 2016 جىلى 2 ملن. 640 مىڭ تەڭگە، ال 2017 جىلعا 2 ملن. 690 مىڭ تەڭگە ءبولىندى.

           «وبلىس اۋماعىندا ورماندى جانە دالالىق ورتتەردى، سونداي-اق شالعاي ەلدى مەكەندەردەگى ورتتەردى ءسوندىرۋ كەزىندەگى قارىم-قاتىناس جاساۋ» جوسپارعا سايكەس قورعانىس مينيسترلىگىنىڭ كۇشتەرى مەن قۇرالدارىن جۇمىلدىرۋ ءتارتىبى قاراستىرىلىپ، «وڭتۇستىك» وڭىرلىك قولباسشىلىعىنان تابيعي جانە تەحنوگەندى سيپاتتاعى توتەنشە جاعدايلارعا بايلانىستى بولىنەتىن كۇشتەر مەن قۇرالدار قۇرامى انىقتالدى.

جول قىزمەتتەرىنىڭ جۇمىس جوسپارلارىنا سايكەس وبلىس اۋماعىنداعى 1056 شاقىرىمدى قۇرايتىن رەسپۋبليكالىق جولدىڭ 469 شاقىرىم ۇزىندىقتا، 2258 شاقىرىم قاشىقتىقتاعى وبلىستىق ءمانى بار جولدىڭ 582 شاقىرىم  ۇزىندىعىندا جانە تەمىر جول بويىندا 840 شاقىرىم ۇزىندىقتا ەكپە اعاشتارى بويىندا ەنى 4 مەتردەن كەم ەمەس ورتكە قارسى جىرتۋ جۇمىسى جوسپارلاندى، - دەپ ءسوزىن قورىتىندىلادى ماقسات ءاشىرباي ۇلى.