اقش ءوز ارسەنالىندا يادرولىق ەمەس وراسان بومباسىن اۋعانستانداعى دايش پوزيسياسىنا تاستادى. بۇل تۋرالى پەنتاگون مالىمدەگەن. حاباردى «اقش اۋعانستانعا «بومبا اتاۋلىنىڭ شەشەسىن تاستادى» دەپ تاراتتى BBCء-دىڭ ورىس قىزمەتى ءدال وسىلاي تاقىرىپپەن.
اقش تاستاعان GBU-43 بومباسى 9 مەتر ۇزىندىقتا بولىپ، 10 توننا سالماققا يە. GBU-43 2003 جىلى العاش رەت سىنالعان. بۇعان دەيىن سوعىس شارتتارىندا ەشقاشان قولدانىلماعان.
بومبا اۋعانستاننىڭ پاكىستان شەكاراسىنا جاقىن ايماعىندا، نانگارحار پروۆينسياسىنىڭ اچين اۋدانىنداعى تىيىم سالىنعان ەكسترەميستىك دايش ۇيىمى قولدانىپ كەلگەن تۋننەل كومپلەكسىنە تاستالعان.
اۋعانستانداعى اقش اسكەرىنىڭ قولباسشىسى گەنەرال دجون نيكولسون ايتۋىنشا، «بۇل سوققىدان سوڭ جيھادتىق توپتار اۋىر شىعىنعا ۇشىرايدى. ولار قولدان ءتۇرلى جارىلعىش زاتتار جاساپ كەلەدى. بۋنكەرلەر مەن تۋننەلدەرگە تىعىلعان ولار ەندى پوزيسيالارىنان قايتاتىن بولادى».
BBCء-دىڭ اسكەري-ديپلوماتيالىق شولۋشىسى دجوناتان ماركۋستىڭ اقش-تىڭ بۇل ارەكەتى تۋرالى تومەندەگىدەي ساراپتاما جاسايدى: «بۇل بومبانىڭ اتاۋى قانشالىقتى ەبەدەيسىز بولسا دا «بارلىق بومبالاردىڭ شەشەسى» ءوزىن اتاۋىندا-اق ءبىلدىرىپ تۇر. بۇل اقش ارسەنالىنىڭ يادرولىق ەمەس ەڭ جويعىش قارۋى.
زور ولشەمدەگى بۇل بومبا GPS ناۆيگاسيالىق جۇيەسىمەن باسقارىلادى. ونى شاماسى العاش رەت اسكەري ۇرىستا سىناپ كوردى.
بومبانى اقش ارناۋلى جاساعىنا ارنالعان مس-130 كوپ ءتۇرلى قولدانىستاعى اسكەري-ترانسپورتتىق Hercules ۇشاعىنىڭ بورتىنان تاستاعان. ول ۇشاق ىشىندە پاراشيۋتپەن بوساتىلىپ جىبەرەتىندەي ارناۋلى بولىككە ورنالاستىرىلادى.
بومبا اسا كەڭ راديۋستا جويقىن جارىلىس جاسايدى. بۇل ۆەتنام سوعىسىندا قولدانىلعان ۇقساس مودەلىنەن الدەقايدا جەتىلدىرىلگەن.
دونالد ترامپ اكىمشىلىگىنىڭ اۋعانستان بويىنشا ستراتەگياسى ازىرگە ءالى ىسكە اسپادى. GBU-43 بومباسىن مىسالعا الساق، بۇل اقش-تىڭ ەكسترەميستىك توپ دايش-كە كەسىمدى جاۋابى. سونداي-اق ۇيىم قاي جەردە توپتاسسا دا اقش-تىڭ باستى نىساناسى بولاتىنىن كورسەتەدى».
ساراپشىنىڭ سوزىنشە، دايش اۋعانستاننىڭ جەرگىلىكتى بيلىگىنەن وزدەرى ويلاعانداي ساياسي قولداۋ تابا المادى.
ءتۇرلى مالىمەتتەرگە سۇيەنسەك، اۋعانستاندا نەشە جۇزدەگەن، ءتىپتى نەگە مىڭداعان دايش جاساقتارى سوعىسىپ ءجۇر. الايدا ولار 2016 جىلدان بەرى اقش-تىڭ اۋە شابۋىلدارىنان ايتارلىقتاي شىعىنعا ۇشىراپ، قاتارى سيرەدى.
اۋعانستان تەرريتورياسىنا تاستالعان بومبانى ترامپ «وتە ءساتتى تاپسىرما» دەپ اتاعان. وسىدان كەيىن اقش-تىڭ اسكەري-اۋە كۇشتەرى ەڭ قۋاتتى يادرولىق ەمەس GBU-43/B بومباسىن 2003 جىلى سىناقتان وتكىزگەنى بەينەلگەن ۆيدەونى جاريالادى.
U.S. Bombs، Destroys Khorasan Group Stronghold in Afghanistan https://t.co/oDhjzaLuUw pic.twitter.com/xOMsYD5grt
— U.S. Air Force (@usairforce) April 13، 2017
پىكىر قالدىرۋ