تانىمال تەلەجۋرناليست بەرىك ءۋالي تەلەارناعا قايتا ورالدى دەپ حابارلايدى Qamshy.kz

16 ساۋىردەن باستاپ ءار جەكسەنبى سايىن «قازاقستان» ۇلتتىق تەلەارناسىنان «1 ستۋديا» اتتى قوعامدىق-ساياسي توك-شوۋ ەفيرگە شىعادى. باعدارلامانى بەلگىلى تەلەجۋرناليست، قوعام بەلسەندىسى بەرىك ءۋالي جۇرگىزەدى.

جاڭا باعدارلاما تۇجىرىمداماسىنا ساي، بەرىلگەن تاقىرىپتى تالقىلاۋعا ءتورت سپيكەر قاتىسادى. حابار بارىسىندا ستۋديا قوناقتارىنىڭ ىشىنەن دە ماسەلەگە قاتىستى وي بىلدىرگىسى كەلەتىندەرگە ءسوز بەرىلەدى. ال، تەلەكورەرمەندەر ەفيردەگى ماسەلە بويىنشا داۋىس بەرۋگە قاتىسا الادى.

«1 ستۋديا» باعدارلاماسىنىڭ العاشقى حابارى جەكسەنبى 20:00-دە ەفيرگە شىعادى.

ايتا كەتسەك،  اراعا ءبىراز جىلدار سالىپ تەلەارناعا قايتا ورالعالى وتىرعان ساياسي توك-شوۋ جاساۋدىڭ شەبەرى، قازاق تەلەجۋرناليستيكاسىندا وزىندىك قولتاڭباسى بار جۋرناليست بەرىك ءۋالي ءقازىر ق ر ينۆەستيسيالار جانە دامۋ ءمينيسترىنىڭ كەڭەسشىسى جانە اقپاراتتىق قامتاماسىز ەتۋ دەپارتامەنتىنىڭ ديرەكتورى قىزمەتىن اتقارىپ كەلەدى. ەندى ول مەملەكەتتىك قىزمەتىمەن قوسا زاڭعا ساي تەلەارنادا توك-شوۋ جۇرگىزبەك.