قازاق كينو مايتالماندارى پرەزيدەنتتىڭ تاپسىرماسىن ورىنداپ، "سۇلەيمان سۇلتان" سىندى ءفيلمدى تۇسىرۋگە دايىن. بۇل تۋرالى Nur.kz جاڭالىقتارى جازدى. كينوسۇيەر كورەرمەندى جاپپاي ەكران الدىنا تەلمىرتكەن تۇرىكتىڭ "سۇلەيمەن سۇلتانىن" پرەزيدەنتتىڭ ءوزى سۇيسىنە كورگەنىن ايتقان بولاتىن. ءارى ول قازاقستاندا دا وسىنداي كينو ءتۇسىرىلۋى ءتيىس دەگەن.  وسمان يمپەرياسىنىڭ تاريحى سۋرەتتەلگەن تەلە حيكايانىڭ ءار سەرياسى باقانداي 5 مىڭ ەۋروعا ساتىپ الىنعان. ەندى بۇنداي كينونى "قازاقفيلم"  تۇسىرمەكشى.

حالىق ءارتىسى ءاسانالى ءاشىموۆ: "نازاربايەۆتىڭ ءسوزى ايتىلدى، ەندى ورىنداۋىمىز كەرەك. تاريح قوي، تاريحتى كوتەرىڭدەر دەپ جاتىر، ونىسى دۇرىس قوي. كوتەرەمىز اقشا بەرسە! اقشا ول كىسىدەن، تۆورچەستۆو بىزدەن"، - دەيدى.  ال "قازاقفيلم" كينوستۋدياسىنىڭ باسشىسى ەرمەك امانشايەۆ، ءارقايسىسى 20 بولىمنەن تۇراتىن 3 ماۋسىمدىق سەريالدى ءتۇسىرۋ جوسپاردا ەكەندىگىن جەتكىزدى.

داۋىرلىك لەنتا ساق زامانىنان باستالىپ، كەيىنگى كەزگە دەيىنگى ۋاقىتتى قامتىماق. سونىمەن قاتار، تاريحي تانىمدىق 5-6 تولىق فورماتتاعى كوركەم فيلم ءتۇسىرۋ دە كوزدەلىپ وتىرعان كورىنەدى. بۇل – «قازاقتاردا» مەملەكەت بولماعان دەگەن پۋتين سوزىنە ادەمى جاۋاپ بولارى ءسوزسىز.   وسىلايشا، كەلەر جىلى تويلاناتىن قازاق حاندىعىنىڭ 555 جىلدىعىنا قارسى قازاق كورەرمەنى بىرنەشە جاڭا تاريحي تۋىندىعا قارىق بولماق.

قامشى-اقپارات