2017 جىلدىڭ 15 ساۋىرىندە قازۇۋ الاڭىندا ءبىرىنشى رەت «Nauryz-Fest» قالالىق جاستار فەستيۆالى وتەدى دەپ حابارلايدى قامشى اقپاراتتىق اگەنتتىگى قازۇۋ باسپا ءسوز قىزمەتىنە سىلتەمە جاساي وتىرىپ.
ءىس-شارا الماتى قالاسىنىڭ جاستار ساياساتى ماسەلەلەرى جونىندەگى باسقارماسىنىڭ مەملەكەتتىك الەۋمەتتىك تاپسىرىسى بويىنشا ۇيىمداستىرىلۋدا.
فەستيۆالدىڭ باستى ماقساتى ۇلتارالىق بىرلىك پەن قوعامدىق كەلىسىمدى نىعايتۋ، قازاقتىڭ ۇلتتىق سپورت تۇرلەرى ارقىلى جاستار ورتاسىندا سالاۋاتتى ءومىر سالتىن قالىپتاستىرۋ جانە قازاق ەلىنىڭ مادەنيەتى مەن ءسالت-داستۇرىن، «جاسىل ەكونوميكا» مەن يننوۆاسيالىق تەحنولوگيالاردى ناسيحاتتاۋ بولىپ تابىلادى.
فەستيۆالعا الماتى قالاسىنىڭ 20-دان اسا ۋنيۆەرسيتەتتەرى مەن عىلىمي-وندىرىستىك بىرلەستىكتەرى قاتىسپاق.
شارا بارىسىندا كونسەرتتىك باعدارلاما مەن قازاقشا سپورتتىق ويىندار باعدارلاماسى قاراستىرىلعان.
