قازاقستان مەن رەسەي بايقوڭىر عارىش ايلاعىن بىرىگىپ قولدانۋدى ءارى قاراي جالعاستىرادى، دەپ حابارلايدى قامشى اقپاراتتىق اگەنتتىگى.
بۇل تۋرالى رف پرەزيدەنتى ۆلاديمير پۋتين بىشكەكتەگى ەۆرازيا ەكونوميكالىق كەڭەسىنىڭ وتىرىسىندا مالىمدەدى.
«نۇرسۇلتان ءابىش ۇلى، ءبىز سىزدەردىڭ بايقوڭىر عارىش ايلاعىن بىرىگىپ قولدانۋدى جالعاستىرۋ تۋرالى ۇسىنىستارىڭىزدى قابىلدايمىز. جانە وسى باعىتتاعى جۇمىستاردى كەڭەيتە ءتۇسۋدى ماقسات ەتىپ وتىرمىز»، - دەدى ول ءوز سوزىندە.
وعان قوسا، ەكى ەلدىڭ وسى باعىتتاعى جۇمىسىن كۇشەيتۋ تۋرالى: «ءبىز تەك بايقوڭىردى ۇزاق مەرزىمگە پايدالانىپ قانا قويماي، سىزدەرمەن بىرىگىپ عارىشتىق زىمىرانداردىڭ جاڭا ۇلگىلەرىن جاساپ شىعارۋدى كوزدەپ وتىرمىز» - دەدى.
