ارنايى كوميسسيا بارلىق بالاباقشالاردى ارالاپ شىقتى، كىنالى تابىلىپ، جۇمىسىنان قۋىلدى، دەپ حابارلايدى قامشى اقپاراتتىق اگەنتتىگى.
قىزىلورداداعى ءبالاباقشالارىدىڭ ءبىرىنىڭ ادىسكەرى كىشكەنتاي بالاعا قول جۇمساعانى ءۇشىن جۇمىسىنان قۋىلدى. ۆيدەو جازبادان كۇدىكتىنى انىقتاۋ پوليسەي قىزمەتكەرلەرى ءۇشىن قيىن بولعان جوق، ول ءۇشىن ارنايى كوميسسيا مەكتەپكە دەيىنگى دايارلىق ورتالىقتارىنىڭ ءبارىن ارالاپ شىقتى.
توتەنشە وقيعا «ءبيبى اجار» بالاباقشاسىندا ورىن العان. الەۋمەتتىك جەلىدە تارالعان ۆيدەو حالىقتىڭ اشۋىن كەلتىرىپ، ىزالى پىكىرلەردى جارىسا جازىپ جاتتى.
«كوميسسيا بارلىق بالاباقشالاردى ارالاپ، وقيعا بولعان ورىندى انىقتادى. ناتيجەسىندە، مەكەمەنىڭ ادىسكەرى نۇرعالييەۆا جۇمىستان قۋىلدى. جەكەمەنشىك مەكەمە بولعاندىقتان قىزمەتكەرلەردى باسشىلىقىتڭ ءوزى جۇمىسقا الادى. ءبىلىم ءبولىمى بالاباقشا باسشىلىعى مەن قىزمەتكەرلەرىنە جازا قولدانۋ ءۇشىن قىزىلوردانىڭ اكىمدىگىنە ۇسىنىس تاستادى»، دەپ حابارلادى وبلىستىق ءبىلىم باسشىلىعىنىڭ باسپاسوز-قىزمەتى.
قىزىلوردا وبلىستىق ءىىد قىزمەتكەرلەرى تەكسەرۋ جۇمىستارىن جۇرگىزۋدى جالعاستىرىپ جاتىر. بالالارعا قول كوتەرگەن باسقا دا تاربيەشىلەردىڭ بار-جوعىن انىقتاۋدا.
ينستاگرام قولدانۋشىسى elmira_eshniyazova ءوز پاراقشاسىندا تاربيەشىنىڭ بالاعا قول كوتەرىپ، دورەكىلىك تانىتقان ۆيدەوسىن جاريالاعان ەدى.
