Facebook كومپانياسى «تىكەلەي ەفير» ادام ءولتىرىلۋى تۋرالى مالىمدەمە جاسادى، دەپ حابارلايدى قامشى اقپاراتتىق اگەنتتىگى.

«بۇل «سۇمدىق قىلمىس»، جانە ءبىز  مۇنداي كونتەنتتىڭ Facebook-كە سالىنۋىنا قارسىمىز»،  - دەلىنگەن مالىمدەمەدە..

سونىمەن قوسا كومپانيا وكىلدەرى: «ءبىز Facebook-تە ءقاۋىپسىز ورتانىڭ بولعانىن قالايمىز. جانە سول ءۇشىن قۇقىق قورعاۋ ورگاندارىمەن تىعىز بايلانىستامىز. قولدانۋشىلاردىڭ فيزيكالىق قاۋىپسىزدىگى ءبىز ءۇشىن اسا ماڭىزدى»، - دەپ اتاپ ءوتتى.

اتالعان قىلمىس امەريكانىڭ كليۆلەند(وگايو شتاتى) قالاسىندا بولعان. قۇقىق قورعاۋ ورگاندارىنىڭ مالىمەتىنشە، ستيۆ ستيۆەنس ەسىمدى ازامات Facebook «تىكەلەي ەفيريندە» ادام ولتىرگەن. جانە ول ۆيدەونى ساقتاپ، ءوزىنىڭ پاراقشاسىنا سالىپ قويعان. قۇربان بولعان 74 جاستاعى روبەرت گۋدۆيندى ول مۇلدەم تانىماعان. ۆيدەو جۇكتەلگەننەن كەيىن ءۇش ساعاتتان سوڭ وشىرىلگەن.

پوليسيانىڭ مالىمەتىنشە، قىلمىسكەر الەۋمەتتىك جەلى دە ءوزىنىڭ تەك ءبىر قىلمىس قانا جاساماعاندىعىن مالىمدەگەن. قازىرگى ۋاقىتتا ول ىزدەۋدە، قارۋلانعان جانە استىندا كولىگى بار. سوندىقتان اكىمشىلىك قالا تۇرعاندارىنا اسا ساق بولۋدى ەسكەرتكەن.