ش.ايمانوۆ اتىنداعى «قازاقفيلم» كينوستۋدياسى مادەنيەت جانە سپورت مينيسترلىگىنىڭ تاپسىرىسى بويىنشا دۋلات يسابەكوۆتىڭ سەنارييى نەگىزىندە بالۋان شولاق تۋرالى تولىقمەتراجدى كوركەم فيلم تۇسىرمەك. 

 كينوسەناريي م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا ساحنالانعان «جاۋجۇرەك» پەساسىنىڭ جەلىسى بويىنشا جازىلعان، دەپ حابارلايدى قامشى اقپاراتتىق اگەنتتىگى ءقازاقفيلمنىڭ باسپا ءسوز قىزمەتىنە سىلتەمە جاساي وتىرىپ.

قازىرگى تاڭدا ءتۇسىرىلىم توبى تولىقتاي جاساقتالعان. دايىندىق كەزەڭىندە تۇرعان ءتۇسىرىلىم فيلمگە قاجەتتى كيىمدەردى تىگىپ، رەكۆيزيتتەر ازىرلەپ، دەكوراسيالار ءتۇرعىزىپ جاتىر. ءفيلمنىڭ تۇسىرىلىمدەرى الماتى جانە سولتۇستىك قازاقستان وبلىستارىندا وتەدى. ال رەجيسسەرى - نۇرگەلدى سادىعۇلوۆ».

فيلمگە قاتىستى نۇرگەلدى سادىعۇلوۆ بىلاي دەيدى: «مەن بالۋان شولاق تۇلعاسىنا 1998 جىلى ت.جۇرگەنوۆ اتىنداعى ونەر اكادەمياسىندا وقىپ جۇرگەنىمدە قاتتى قىزىقتىم. سول كەزدەن باستاپ، وسى كىسى جايلى فيلم تۇسىرگىم كەلدى. بالۋان شولاقتىڭ بويىندا اقىندىق، سەرىلىك، انشىلىك جانە الىپ قارا كۇش تە بار. ونىڭ ەلىنە، جەرىنە، وتانعا دەگەن ماحابباتى ءارقايسىمىزعا ۇلگى بولارلىق. مەنىڭ ويىمشا، بۇگىنگىنىڭ جاستارى بالۋان شولاقتاي ەردى ءبىلۋى ءتيىس».

ءفيلمنىڭ سەناريى بىرنەشە جىل بويى جازىلعان جانە قايتا وڭدەلگەن. ءتۇسىرىلىم توبى ءفيلمنىڭ ساپالى شىعۋى ءۇشىن ارنايى مامانداردى شاقىرعان. ولاردىڭ قاتارىندا: كوركەمدىك جەتەكشىسى س.نارىمبەتوۆ، كوركەمدىك كەڭەسشىلەرى ە.تولەۋتاي، ب.ىستىبايەۆ، ب.بەدەلحاندار بار. كارتيناعا تانىمال اكتەرلارمەن قاتار، ەكرانعا العاش شىعىپ جاتقان دەبيۋتانتتار دا تۇسەدى. ءبىراق ولاردىڭ ەسىمدەرى ءالى اتالماي وتىر.  

«اكتەرلار ىرىكتەلدى. الايدا باس كەيىپكەردى ءازىر ايتا المايمىن. سەبەبى، ەكى اكتەردىڭ اراسىندا تاڭداۋ ۇستىندەمىن»، - دەيدى رەجيسسەر.