پاۆلوداردىڭ 21 جاستاعى تۇرعىنى الەۋمەتتىك جەلىدە ەكسترەميستتىك باعىتتاعى ماتەريالداردى جاريالاعانى ءۇشىن قاماۋعا الىندى دەپ حابارلايدى قامشى اقپاراتتىق اگەنتتىگى Sputnik باسىلىمىنا سىلتەمە جاساپ.
پاۆلوداردا "قۇقىقتىق ءتارتىپ" رەسپۋبليكالىق جەدەل پروفيلاكتيكالىق ءىس-شارا كەزىندە پوليسەيلەر تەرروريزم مەن ءدىني ەكسترەميزمدى ناسيحاتتاۋشىنى ۇستادى دەپ حابارلادى پاۆلودار وبلىسى ىشكى ىستەر دەپارتامەنتىنىڭ باسپا ءسوز قىزمەتى.
ونىڭ مالىمەتىنشە، 2017 جىلى 10 ساۋىردە پاۆلودار قالاسىندا ۇيىمداسقان قىلمىسقا قارسى كۇرەس بويىنشا باسقارمانىڭ قىزمەتكەرلەرى ارنايى قىزمەت ساربازدارى جانە ۇقك قىزمەتكەرلەرىنىڭ كومەگىمەن 1996 جىلى تۋعان ج. ەسىمدى ازاماتتى ۇستادى.
"ۇستالعان ازامات الەۋمەتتىك جەلى جانە ينتەرنەت-مەسسەندجەرلەر ارقىلى تەرروريزم مەن ءدىني ەكسترەميزم يدەيالارىن ناسيحاتتاعان جانە سول مازمۇنداعى ماتەريالداردى ساقتاپ تاراتقان. ءىىد تەرگەۋ ءبولىمى سوت الدى تەرگەۋ ءىسىن باستادى. سوت شەشىمىمەن ۇستالعان ازامات قاماۋعا الىندى"، — دەلىنگەن حابارلامادا.
