باستى ماقسات ەكى ەل اراسىنداعى مادەنيەت، ءبىلىم جانە عىلىم سالالارىنداعى ىنتىماقتاستىقتى تەرەڭدەتە ءتۇسۋ بولىپ وتىر. قازاقستان مەنتۇركيا قاتىناستارىنىڭ دامۋ قارقىنى ەكى مەملەكەتتىڭ ىنتىماقتاستىق-ستراتەگيالىق سيپاتىن كورسەتەدى. باۋىرلاس ەلدەردىڭ قارىم-قاتىناسى 20 جىل ىشىندە تولاعاي تابىستارعا جەتىپ، ساياسي-ەكونوميكادا دا جاڭاشا بەلەس الىپ وتىر. نۇرسۇلتان نازاربايەۆ ابدۋللا گۇلمەن «جاڭا سينەرگيا» بىرلەسكەن ەكونوميكالىق باعدارلاماسىنا كەڭىنەن توقتالماق. ءىس-ساپار بارىسىندا قازىرگى زامانعى تالاپتارعا جانە جاھاندىق ەكونوميكالىق ينۆەستيسيالىق ىسكەرلىك بايلانىستارعا اسا ءمان بەرىلۋ كوزدەلىپ وتىر. سوندىقتان باعدارلاماعا سايكەس 2015 جىلعا دەيىن ەكى ەل اراسىنداعى ساۋدا اينالىمدى 10 ميلليارد اقش دوللارىنا جەتكىزۋ كۇن تارتىبىندە تۇرعان ماسەلە. [video w="495"]http://www.youtube.com/watch؟feature=player_embedded&v=AxzB5fmR9i4[/video] مەحمەت ارسلان، ساياساتتانۋشى:                         - ءبىزدىڭ ەلدەر ءوزارا ساۋدا اينالىمدى 10 ميللارد اقش دوللارىنا جەتكىزۋدى جوسپارلاپ وتىر. مەنىڭ ويىمشا، العا قويعان ماقساتتاردى ورىنداۋدا ەكى ەلدىڭ دە قاۋقارى جەتكىلىكتى. الەمدى داعدارىس بيلەپ تۇرعان كەزدە قازاقستان مەن تۇركيا ەلدەرىنىڭ ەكونوميكاسى قارقىندى دامۋىنا تالاي ەل قىزىعا قارايتىن بولادى. مۇنان كەيىن ەلباسى تۇركيا پرەمەر-مينيسترى رەجەپ ەردوعانمەن كەزدەسىپ، جوعارى دەڭگەيدەگى ستراتەگيالىق-ىنتىماقتاستىق كەڭەسىنىڭ ءبىرىنشى وتىرىسىنا قاتىسادى. جيىننىڭ ەكى ەلگە دە پايداسى زور ەكەندىگىن تۇسىنگەن ساياساتتانۋشىلار كەڭەست­­­ءى ءبىر اۋىزدان قۇپتاپ وتىر. حاسان كانبولات، تاياۋ جانە ورتا شىعىس زەرتتەۋ ورتالىعىنىڭ ديرەكتورى: - ستراتەگيالىق-ىنتىماقتاستىق كەڭەسى قازاقستان مەن تۇركيانىڭ الەۋەتىن ارتتىرۋعا بىرەگەي مۇمكىندىك بەرەدى. وسى كەڭەستىڭ ارقاسىندا كوپ ماسەلەلەر ءوز شەشىمىن تاۋىپ، ءبىرقاتار ىستەردىڭ ىلگەرىلەيتىندىگىنە تولىقتاي سەنىمدىمىن. سوندىقتان ءسوزسىز كەڭەس ناتيجەلى بولاتىندىعى انىق. كەڭەس قورىتىندىسى بويىنشا ەكىجاقتى قۇجاتتارعا قول قويىلىپ، بۇقارالىق اقپارات قۇرالدارىنا ارنايى بريفينگ وتەدى دەگەن بولجام بار. اۆتورلار: ەلدار باقپايەۆ، ەسبول مۇرات ۇلى، جانۇزاق بورانبايەۆ، 24 KZ