تۇركيادا پرەزيدەنتتىك سايلاۋ جۇيەسىنە كوشۋگە بايلانىستى رەفەرەندۋم بولىپ جاتقان كەزدە ديارباقىر ايلاعىنىڭ ياباناردى اۋىلىندا ەكى توپقا بولىنگەن ادامدار اراسىندا اتىس ورىن العان. اتىستىڭ سالدارىنان ەكى ادام كوز جۇمدى، دەپ حابارلايدى قامشى اقپاراتتىق اگەنتتىگى شەتەلدىك باق-قا سىلتەمە جاساپ.

بەلگىلى بولعانداي، اتىس سايلاۋ ۋچاسكىسى ورنالاسقان مەكتەپ كوشەسىندە بولعان. الدىن-الا بولجام بويىنشا، بۇل وقيعادا ەكى توپ ەكى ءتۇرلى ساياسي پىكىردى ۇستانعان.

رەفەرەندۋم كەزىندە 167 مىڭنان استام سايلاۋ ۋچاسكىلەرىندە 55،3 ميلليوننان استام تۇرعىن داۋىس بەرگەن. وزگە ەلدە تۇراتىن تۇرىكتەر مەرزىمىنەن بۇرىن داۋىس بەرىپ قويعان ەكەن. رەفەرەندۋم كەزىندە قاۋىپسىزدىك قىزمەتى كۇشەيتىلىپ، 380 مىڭ پوليسيا قىزمەتكەرلەرى ەلدىڭ تىنىشتىعىنا جاۋاپتى بولعان.

رەفەرەندۋم ناتيجەسى بويىنشا، تۇركيا كونستيتۋسياسىنداعى 18 باپتىڭ وزگەرۋىنە سايكەس، پرەزيدەنت مەملەكەتتىك جۇيەنى باسقارۋدى ءوز قولىنا الىپ، ۆيسە-پرەزيدەنت پەن مينيسترلەردى ءوزى تاعايىنداۋ قۇزىرەتتىلىگىنە يە بولادى.