بۇۇ جانىنداعى بالالار قورىنىڭ ديرەكتورى ەنتوني لەيك سيرييداعى اۆتوبۋستار كولونناسىندا جانىندا جاسالعان تەراكتتى قانىشەرلەردىڭ ءىسى دەپ ايىپتادى، دەپ حابارلايدى قامشى اقپاراتتىق اگەنتتىگى.

سيرياداعى الەپپو راشيدين قالاسىنداعى اۆتوبۋستار كولونناسىنىڭ جانىندا بولعان جارىلىستان 60-تان استام بالا قازا تاپقان. بۇل تۋرالى بۇۇ يۋنيسەف قورىنىڭ باسشىسى ەنتوني لەيك حابارلادى.

«بىزگە تۇسكەن مالىمەتتەر بويىنشا الەپپوداعى جارىلىستا 96 ادام قايتىس بولعان. ونىڭ 60-تان استامى بالا. اۆتوبۋستا ونسىزدا تالاي قيىندىقتى كورگەن وتباسىلار كەلە جاتقان. ولار تاعى دا ەڭ جاقىن ادامدارىنىڭ قازاسىن كوردى»، - دەلىنگەن جازباشا مالىمدەمەدە.

جارىلىس سەنبى كۇنى كەشكە بولعان. اۆتوبۋستاردا يدليب پروۆينسياسىنداعى ەل-فۋا جانە كەفراي اۋىلدارىنان ەۆوكۋاسيالانعان وتباسىلار وتىرعان.

تەراكت اۆتوبۋستار جانارماي بەكەتىنە كەلىپ توقتاعان تۇستا بالالارعا ارنالعان زاتتار مەن ازىق-تۇلىك تاسۋشى كولىكتەردىڭ جانىندا جاسالعان. ناتيجەسىندە ۇلكەن ءورت شىققان. جەرگىلىكتى Al Mayadeen تەلەارناسىنىڭ حابارلاۋىنشا، 96 ادام قايتىس بولىپ، جۇزدەن استام ادام اۋىر جارالانعان.