قازاقستان پرەزيدەنتى «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەدتى قابىلدادى دەپ حابارلايدى قامشى اقپاراتتىق اگەنتتىگى.

مەملەكەت باسشىسى كەزدەسۋدە پارتيانىڭ 2016 جىلعى قىزمەتىنىڭ قورىتىندىلارى جونىندەگى ەسەپتى تىڭداپ، الداعى كەزەڭگە ارنالعان جۇمىس جوسپارلارىمەن تانىستى.

نۇرسۇلتان نازاربايەۆقا جالپى ۇلتتىق كۇن تارتىبىندەگى ماڭىزدى اسپەكتىلەردى ىسكە اسىرۋ شارالارى، سونداي-اق ەل دامۋىنىڭ باستى باعىتتارى جونىندە جۇرتشىلىقتى حاباردار ەتۋ ماسەلەلەرى تۋرالى باياندالدى.

م.قۇل-مۇحاممەدتىڭ مالىمەتى بويىنشا، 2015 جىلمەن سالىستىرعاندا پارتيا قۇرىلىمدارىنا ارىز-شاعىممەن جۇگىنگەن ازاماتتار سانى 30%-عا ارتقان. 2016 جىلى 283 مىڭنان استام ءوتىنىش كەلىپ تۇسكەن، ءقازىر ونىڭ 92%-ى وڭ شەشىمىن تاپتى.

سونداي-اق، ەلباسىعا پارتيا وكىلدەرىنىڭ وڭىرلەردەگىجۇرتشىلىقپەن كەزدەسۋلەرىنىڭ قورىتىندىلارى جانە كۇندەلىكتى قىزمەت بارىسىندا قولدانىلاتىن پارتيا جۇمىسىنىڭ جاڭا فورماتى جونىندە مالىمەت بەرىلدى.