تۇركياداعى رەفەرەندۋم قورىتىندىسىنا قارسى شىققان مىڭداعان ادام ىستامبۋل كوشەلەرىنە شىقتى، دەپ حابارلايدى قامشى اقپاراتتىق اگەنتتىگى.

ىستامبۋلدىڭ بەشىكتاش اۋدانىندا مىڭنان استام ادام، كادىكەيدە ەكى مىڭ ادام قارسىلىق اكسياسىنا شىقتى.

قارسىلىق كەزىندەگى قۇقىق بۇزۋشىلىقتار تۋرالى حابار تاراتىلعان جوق.

ەستەرىڭىزگە سالا كەتەيىك، 16 ءساۋىر كۇنى تۇركيادا كونستيتۋسيالىق وزگەرىستەر ونىڭ ىشىندە پرەزيدەنت بيلىگىن كۇشەيتۋ جونىندە رەفەرەندۋم وتكەن بولاتىن. ناتيجەسىندە تۇركيا حالقىنىڭ 51،4% وزگەرىستى قولداعان. 2019 جىلدان باستاپ تۇركيا پرەزيدەنتى مەملەكەتتىك جۇيەنىڭ باسشىسىنا جانە ۇكىمەت باسشىسىنا اينالىپ، مينيسترلەر مەن وزگە دە شەنەۋنىكتەردى تاعايىنداپ، ەل بيۋدجەتىنە، پارلامەنتتە وزگەرىستەر جۇرگىزىپ، ءوز پارتياسىن باسقارىپ، مەملەكەتتىك زاڭ دەڭگەيىندەگى قاۋلىلار بەرە الادى. پرەزيدەنتتىڭ بيلىكتە وتىرۋ ۋاقىتى 5 جىلعا ۇزارتىلادى. جانە ەكى رەت قاتارىنان سايلانۋعا مۇمكىندىك بەرەدى.

ەگەر تۇركيانىڭ ءقازىر پرەزيدەنتى رەجەپ تايىپ ەردوعان 2019 جىلعى سايلاۋدا جەڭىسكە جەتسە،  2029 جىلعا دەيىن ەلدىڭ تولىق باسشىسىنا اينالادى.