«ق ر تاۋەلسىزدىگىنىڭ 25 جىلدىعىنا» وراي قاماۋدا وتىرعان ءبىرقاتار شەندىلەرگە راقىمشىلىق جاسالدى دەپ حابارلايدى Qamshy.kz بۇل تۋرالى كەشە ءىىم قىلمىستىق-اتقارۋ كوميتەتى Today.kz سۇراۋىنا رەسمي جاۋابىندا مالىمدەگەن.
راقىمشىلىققا ىلىنگەندەر اراسىندا سىبايلاس جەمقورلىق باپتارىمەن سوتتالعان "استانا ەكسپو-2017" ۇلتتىق كومپانياسى قۇرىلىس دەپارتامەنتىنىڭ بۇرىنعى باسشىسى قاجىمۇرات ۇسەنوۆ پەن بۇرىنعى اۋىل شارۋاشىلىعى ۆيسە-مينيسترى ءمۇسلىم ومىريايەۆ راقىمشىلىقپەن بوساپ شىققان.
بۇرىنعى اۋىل شارۋاشىلىعى ۆيسە-مينيسترى ومىريايەۆ پەن ۇلتتىق كومپانيا دەپارتامەنتىنىڭ بۇرىنعى باسشىسى ۇسەنوۆتىڭ بوساپ شىققانى تۋرالى اقپاراتتى ق ر ءىىم قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى راستاپ وتىر. اۋىل شارۋاشىلىعى ۆيسە-مينيسترى ءمۇسلىم ءومىر يايەۆ مەملەكەتتىك ساتىپ الۋ بويىنشا كونكۋرستاردا كومەك كورسەتكەنى ءۇشىن 100 مىڭ اقش دوللارى كولەمىندە پارا الدى دەگەن ايىپ بويىنشا كىنالى دەپ تانىلعان بولاتىن. ال ۇسەنوۆ ۇلتتىق كومپانيا قاراجاتىن اسا ءىرى كولەمدە يەلەنىپ، ىسىراپ ەتۋ جولىمەن 200 ميلليون تەڭگە ۇرلاعانى ءۇشىن ايىپتالدى.
ال، ەكس-پرەمەر سەرىك احمەتوۆكە جاسالعان راقىمشىلىق بولسا تەك جازاسىنىڭ وتەلمەگەن بولىگى ¼-گە قىسقاردى. سونداي-اق، ول قاماۋدىڭ جەڭىل جاعدايىنا اۋىستىرىلعان. سەرىك احمەتوۆ جانە «EXPO-2017» ۇلتتىق كومپانياسىنىڭ بۇرىنعى ءتوراعاسى تالعات ەرمەگيايەۆ وقىتۋ تاربيەلەۋ ورنىنىڭ وندىرىستىك ايماقتارىندا جۇمىسپەن قامتىلعان.
ەسكە سالساق، قازاقستاننىڭ ەكس-پرەمەرى سەرىك احمەتوۆكە 2015 جىلى 11 جەلتوقساندا «زاڭسىز كاسىپكەرلىكپەن اينالىستى» جانە «وكىلەتىن اسىرا قولداندى» دەپ ايىپتالىپ 10 جىلعا سوتتالدى. ول قاراعاندى وبلىسى قاراباس ەلدى مەكەنىندەگى ەل اراسىندا «كارلاگ قاقپاسى» اتالىپ كەتكەن اك 159/18 تۇزەۋ مەكەمەسىنە ەتاپپەن جىبەرىلگەن ەدى. 2016 جىلدىڭ 14 ناۋرىزىندا قاراعاندى وبلىستىق سوتى اپەللياسيا بويىنشا احمەتوۆتىڭ جازاسىن 8 جىلعا ءتۇسىردى.
ول سوتتالعان 2015 جىلدىڭ 11 جەلتوقسانىنان قازىرگى كۇنگە دەيىن 1 جىل 4 اي 7 كۇن (495) كۇن ۋاقىت ءوتتى. سونداي-اق، ونىڭ ءۇي قاماۋىندا وتىرعان ءبىر جىل 23 كۇنى (2014 جىلدىڭ 18 قاراشاسىنان سوتتالعانعا دەيىنگى) ق ر قك 62 بابى، 4 تارماعىنا ساي 6 اي 11 كۇن جازاسىن وتەگەن بولىپ سانالادى. ياعني، احمەتوۆ 8 جىلدىڭ قازىرگە دەيىن 1 جىل، 10 اي 18 كۇنىن وتەپ بولدى. ەندىگى قالعان 7 جىل ءبىر جارىم اي تورتكە قىسقارسا، احمەتوۆ ءالى 5 جىل 4 اي قاماۋدا وتىرادى.
سەرىك احمەتوۆ: 2012 جىلدىڭ قىركۇيەگىنەن 2014 جىلدىڭ ءساۋىر ايىنا دەيىن قازاقستان پرەمەر-مينيسترى قىزمەتىن اتقارىپ، وتستاۆكاعا كەتكەن. بۇدان سوڭ ول قورعانىس ءمينيسترى بولىپ تاعايىندالىپ، سول جىلى قازان ايىندا قىزمەتىنەن بوساتىلعان ەدى. سەرىك احمەتوۆ وعان دەيىن قاراعاندى وبلىسى اكىمى (2009)، پرەمەر-مينيستردىڭ ءبىرىنشى ورىنباسارى (2012) قىزمەتتەرىن اتقارعان.
قاماۋداعى جۋرناليست سەيىتقازى ماتايەۆقا دا «راقىمشىلىق تۋرالى» زاڭىنىڭ 4-بابى، 1-بولىگى، 4-تارماعىنا سايكەس راقىمشىلىق جاسالعان، وعان ساي ونىڭ جازاسىنىڭ تەڭ جارتىسى قىسقارتىلادى.
